Sa kabila ng natatanging ganda at kainosentihan, malalim at madilim ang kanyang pinagmulan. Siya si Roxy, isang masayahing estudyante hanggang maging isang madre. Isang ASWANG. Kahit ano pang paglingkod sa simbahan ang gawin niya para mapanatili ang kabutihan sa kanyang puso, nahahayok pa rin siya sa dugo at laman ng tao. Kung kaya lang baguhin ng pananampalataya niya ang dilim na bumabalot sa kanyang pagkatao, disin sana'y hindi siya nagiging halimaw sa pagsapit ng kabilugan ng buwan.