Masakit. Hindi iyon maipagkakaila ni Dulce. Masakit na makitang may sinisintang iba ang iyong asawa. Buong puso, buong kaluluwa, buong buhay niya, ibinuhos niya kay Raphael simula nang maikasal sila. Pero tanging sukli nito sa kanya ay ang kanilang kambal na supling at ang iniinsistar nitong pagkakaibigan na hindi naging sapat sa kanya. Magiging sapat ba ito upang manatili siya sa piling ni Raphael gayung hindi niya ramdam ang pagmamahal nito? O magagawa niyang iwan ang pamilya upang limutin ang silakbong una pa lang ay ipinagkakait na sa kanya?