طفلة تفقد اهلها منذ الطفوله ..لينقذها احد شيوخ الجنوب...لديه قلب قاسي وشكل بارد وعصبي بنفس الوقت...او ماشافها سماها سلطانة لانها اصبحت سلطانته...سلطانة شهم

مــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....

نور.. سمعتهن وحسيت روحي انطفي واشتعل لدرجه ايدي كامت ترجف حاولت اصبر روحي واسمعهن اللله لايوفقج ياعمه هبه بهاي المغربيه كون شون اني يضل حضي اعوج وي كل وحده اسمها هبه وي ام علي جانت هبه وهسه هاي عمه الدمرتني لازم احط حد لهاي المهزله لازم احاجي مروان واكوله يعاقب عمه هبه وويخليني اروح لبغداد سمعتي اتدمرت بسببهم صعدتله فوك اكيدد كاعد بمكتبه الي يصير بنهايه الطابق الثاني شبه معزول صعدت الدرج بالكوه ووصلت بالف ياعلي رحت دفرت الباب بدون مادكه وجان يخابر سد الفون وباوعلي مستغرب واني جنت اباوعله بحقد وجنت لابسه دشداشه كلوش اسود وشال وياها رغم الكل جان يصيح عليه ويكلي انزعي الاسود موزين ونتي نفسه بس ماجنت اسمعلهم استحي من امير رحتله ورفعت اصبعي بوجهه كتله هذا اخر انذار الكم رجعوني لبغداد كافيي مليت يوم ياقوت تتهمني عندي علاقه وياك يوم عمه هبه يوم جيرانكم ان رؤى ترى اني مو وصخه وقذره حتى تدنى نفسي عليك واحاول اتقربلك احلفك بسما وبحبك الها رجعني اعتقني سمعتي اتدمرت بعد مابيه صدمات واللله كافي حسو بيه حتى ضغط وخفقان علكو عندي احجي وياه وهو يقترب واني ابتعد اخر شيء وصلت للحايط وانلزكت بي وهو حط ايد من جهه اليسرى وايد من الجهه اليمنى ودنك عيونه الي صارن يصعدن من صدري الي يخفق بقوه من اثر كلامه