( ساطع ) : من گد الكرم ومضايف الخطار كلهم بالكرم گامو يعرفوني وطبع بيه اللي يجيني أرحب بي وگبل چفوف إيدية تسالمة عيوني أخيط رموش بهيمة معزبين وأسويهن غطى للي يضيفوني وقانون الكرم لو صار الإستعداد يوگف مستعد گبال قانوني علمت المضايف تقرى اللي يضيفون وعلى راس المكارم تاج خلوني أنا أبعد أفق ما أنحد بكل عين وخطوط الطول تگصر من يقيسوني لأن إسمي الفارس اللي بالكرم معروف ورغم ثگل الحمل ما هدلن متوني واذا الماعون طاح وكسرته الحقاد شمس الله بكبرها تصير ما عوني (شذر ) : أهز جبال لو مر جدمي على الگاع وأخلي الناس كلها بحبي مرميه وأهد قلوب لمن تحب بطيب ويشع نور اللي بوجهي للناس حنية بكل خطوة على رجليه منثورة الورود وبضحكة شفافي هالدنيا مسبية اسمي حرز للنسوان وراية شرف معكودة وحجيي بلبل البستان اذا جاس الندى خدوده كصيبتي تصير عگال لشيوخ العرب وحزام للبين نگص زوده وخلق بيه الحور العين وشوف إنتَ شكثر ترافة الهوى اذا فكر وما فات تلكاله اثر خطوات عل خدودي شفايفي البرحي انچبس فوگه الهيل وسوالفي نثيث الغيم باخر ليل أنا أميل عل الگمر وأعيل وأگل للكمر مسكين يالمكرود ما أحتاج ضيك تبرجلي خدود