Sa pangalawang pagkakatao'y muli akong umibig. Isang anghel ang inihulog ng langit upang pawiin ang lungkot na dala ng pag-iwan niya sa akin. Sa huling pagkakatao'y makikilala ko ang babaeng iibigin ko hanggang sa aking huling hininga. Hanggang sa muli, sinta...

Mahalaga ang bawat oras na lumilipas, lalo na kay Gravielle Sachzna na may sakit at bilang na lamang ang mga araw sa mundo. Ngunit, hindi ito naging hadlang upang maipaalam at maiparamdam ang kaniyang tunay na nararamdaman kay Luhan Greg sa pamamagitan ng pagsulat at pagbigay niya dito ng mga tula. Isang daang tulang isinulat at naging daan upang ang mga puso'y sumaya't maging konektado. Sapat nga ba ang oras ng pagsulat nito para sa kwento nilang dalawa? Sasang-ayon kaya ang oras sa pag-uumpisa ng kwento nilang dalawa? O oras ang tatapos sa pag-iibigang hindi pa nagsisimula?