ចំណងស្នេហ៍អតីតរួមរឹតឲ្យចំំណងអាពាហ៍ពិពាហ៍បែបប្រថុយប្រថានរវាង អេវេន លេមទ្រីសនិងគីម ហារី ប្រែជាចំណងទឹកភ្នែក ខណៈខ្លួនប្រាណរបស់គេនៅជាមួយនាង តែបេះដូងរបស់គេបែរជានៅជាមួយអតីតមិត្តស្រីដែលបានស្លាប់ហើយទៅវិញ។ ពាក្យសន្យាដែលគេធ្លាប់និយាយក្នុងថ្ងៃមង្គលការប្រែក្រឡាស់ដូចមាឃនិងដី ទង្វើល្អៗដែលគេធ្លាប់ធ្វើដាក់នាងដែលជាភរិយារាល់ថ្ងៃក៏លែងមានតទៅទៀត ក្រោយពេល ខាលី ដែលជាអតីតមិត្តស្រីរបស់គេបានបង្ហាញខ្លួនម្តងទៀត បន្ទាប់ពីគ្រប់គ្នាគិតថានាងបានស្លាប់ទៅហើយ។ ទឹកឃ្មុំដែលធ្លាប់ផ្អែមក៏ប្រែជាល្វីង ស្វាមីដែលធ្លាប់ល្អក៏ប្រែជាអាក្រក់ដាក់នាង ស្នាមញញឹមក៏ប្រែជាស្នាមទឹកភ្នែកជោកថ្ពាល់ស្ទើរតែរាល់ថ្ងៃ នៅពេលដឹងថាគេមិនបានស្រលាញ់នាង ទង្វើដែលគេធ្វើកន្លងមកគ្រាន់តែជាការសម្តែងតែប៉ុណ្ណោះ នាងត្រឹមតែជាតួអង្គដែលត្រូវគេយកមកជំនួស។