ياما كان يا سادة يا كرام الايحلو الكلام الابذكر النبي عليه الصلاة والسلام 💜💜💜💜 المولف/sherien zain

ف شقة بحي الزمالك ، بيخرج شاب ف العشرين من عمره من أحد الغرف.. آسر: صباح الخير يا ماما أمه "سامية": يا صباح الفل آسر: محدش صحي من الجماعة ولا ايه ؟ سامية: أبوك النهاردة صحي من النجمة ، قال عايز يتمشى شوية وقال هيجيب الفطار معاه ... واتفتح الباب: أهو جه أهو فؤاد "أبو آسر": صباح الخير يا آسر معلش يا حبيبي اتأخرت عليك آسر: ولا يهمك يا بابا انا عندي محاضرة متأخرة بعد شوية خرجت بنت من الأوضة بشعر غير مرتب وقالت بصوت مبحوح: صباح الخير آسر: يا صباح القمر ع القمر ، تعالي افطري قعدت جنبه وبتتاوب: هي الساعة كام دلوقتي آسر: تسعة الا ربع ، بس شكلك لسة عاوزة تنامي نارين: أه والله انا مش فاهمة كليات ايه دي اللي من الصبح بدري كدة آسر: حرام عليكي يا مفترية ، انتي عمرك صحيتي بدري نارين بضجر: حرام عليك يا آسر والله اخاصمك .. وبعدين اشمعنى لمار وشهاب مهم لسة مصحيوش أهو خرج من الأوضة وبيخبط ع الباب: مين جايب ف سيرتي وخرجت هي الأخرى: وسيرتي انا كمان نارين: هيهيهي يا خفة انتي وهو شهاب بتهكم: ع فكرة أنا راجل محاضراتي كلها بتبقى متأخر دة غير المذاكرة طول الليل لمار: وانا ف 3 ثانوي يعني اصحى براحتي نارين قامت بزمجرة: مشوفتش أرخم منك أنتي وهو سامية: استني بس يا حبيبتي ، كملي فطارك نارين بضجر: مش واكلة "دخلت اوضتها" آسر: لازم الرخامة

ف أحد ڤلل الأغنياء الكبيرة بتظهر طفلة بتجري هي وبتضحك ،