Sa ilalim ng makukulay na ilaw ng Maynila ay isang mundong pinaghaharian ng kapangyarihan, lihim, at dugo. Lumaki si Angelo sa marangyang buhay kasama sina Vice at Ion. Isang pamilyang puno ng pagmamahal ngunit nababalutan ng mga sikretong hindi kailanman sinabi sa kaniya. Ngunit nagbabago ang lahat nang bumalik dito ang isang babaeng matagal nang nawawala, dala ang nakaraan na kayang wasakin ang lahat ng nakasanayan nila. Habang unti-unting nabubunyag ang mga katotohanan, mapipilitang harapin ni Angelo ang pinakamahirap na tanong sa buhay niya: Ang pamilya ba ay nakabase sa dugo... o sa taong piniling mahalin ka kahit hindi ka nila tunay na anak?