May kuwentong true-to-life. May kuwentong sana totoo na lang. Kwentong ikaw lang ang may alam. May kuwentong matagal ng tapos. At kuwentong dinugtungan para lang masaktan ulit. May kwentong tinapos bago magsimula. May kuwentong sana wala ng katapusan. Puro kwento, puro hugot. Puro sana. Yung atin, ano na?

"Kapag tinalikuran mo ang isang tao at tumalikod na rin siya para 'di ka makitang lumayo, kailangan mong ikutin ang mundo para magharap ulit kayo. Pero 'pag nakita mo siya sa ikalawang pagkakataon, ano'ng gagawin mo?" Ikaw ba si Tasha na iiwan siya para habulin ang pangarap? Tulad ka ba ng "run-away" bride na si Destiny na naniniwalang "walang tadha-tadhana, pag mahal mo, habulin mo" ? O ikaw ang nobelistang si Jade na susulat ng isang libong dahilan kung bakit di mo siya dapat mahalin? Limang kabanata. Tatlong pares. Sino ang para kanino?