Isang misteryo ang bumabalot sa St. Nicholas Catholic School for Boys. Isang misteryong nagsimula ilang taon na ang nakalilipas. Isang misteryong nag-ugat sa isang kasalanan at nauwi sa madugong karahasan. Isang misteryong hanggang ngayon ay hindi pa rin nalulutas. Si Tommy, isang binatang ikinahihiya ng kanyang ama dahil hindi nito matanggap ang kanyang tunay na pagkatao. Si Vlad, isang binata na nagnanais lamang na mapansin ng kanyang magulang. Sila ang mga bagong estudyante ng St. Nicholas. Silang dalawa kaya ang tuluyang makadiskubri ng katotohanan sa likod ng kababalaghang bumabalot sa paaralan?