Sa panahon ngayon parang mahirap nang maniwala sa mga katagang: 'I love you', 'Ikaw lang ang mamahalin ko', 'Hindi kita lolokohin', 'Hindi kita ipagpapalit sa iba' at marami pang iba. Sa huli ay iiwan kang luhaan, may sugat sa puso at mananatili pa ang sugat na kailanman hindi na mabubura pa. Ganyan ang naramdaman ni Serenity Torres sa mga nagdaang mga nobyo niya dahil ilang beses na siyang linoko ng mga lalaki. Lahat na yata binigay niya pero hindi niya masabi kung ano ang kulang o kung may sobra. Sa sakit na kanyang nadarama ay napagdesisyunan niyang lumayo at lumipat siya sa isang apartment kung saan ay nakilala niya ang gwapong doctor na si Dr. Ryker Faron. Si Ryker Faron ay isang cardiologist at isang doctor sa puso. Ang akala ni Serenity ay magiging maayos na ang buhay niya kasama ang doctor pero paano kung kailan masaya na siya ay saka naman siya muling masasaktan. Magawa pa kayang maging buo ni Serenity? Kaya niya pa kayang tumayo sa lahat ng mga hirap na dinanas niya? O susuko na lang sa lahat ng kanyang mga paghihirap?