Chat Series # 1 Hindi mo aakalain na ang isang labing pitong taong gulang na si Caella Garcia ay marami na kaagad naging ka-relasyon. Ayon kasi sakanya, masarap daw sa pakiramdam na mayroong lalaking nakakasama, nag-aalaga at nag-mamahal sayo. Bagamat sa dinadami-dami ng lalaking naging parte ng kanyang buhay, walang tumagal dito ni isa. Hindi kasi siya marunong mag-seryoso at sa tingin niya ay laro-laro lamang ito. Kung gaano kabilis pumasok sa isang relasyon si Caella, ganoon rin siya kabilis kumawala at ganon rin siya kabilis humanap ng pamalit. Isang araw, habang titig-titig ang mga litrato ng kanyang ate Kristine na nasa dalampasigan kasama ang kaibigan at mga tropa ng kaibigan nito, isang lalaking naka asul na beach shorts ang pumukaw ng kanyang pansin. "Who's that guy, ate?"