"Lahat na lang ng diskarte ko sayo palpak. Naiiyak na ako." Block. Hindrance. Sagabal. Iyon ang role ni Francis sa matiwasay na buhay ni Georgina. Ito ang panira sa pangarap niya makatagpo ng kanyang Prince Charming. Atribido, nuknukan ng yabang at hari ng mga poker face ang damuho. Napakalayo nito sa mga bidang lalaki na isinusulat niya sa kanyang nobela. Kung hindi lang siya nagkaroon ng problema ay hinding-hindi niya nanaisin na makita kahit dulo man lang ng buhok ni Francis. Pero may plot twist; kailangan niya itong makasama sa iisang bubong!

"I will love you eternally. I will be eternally yours and I hope you would too." Chastity was a fixer. Sa tuwing may problema ang pamilya niya, mga kaibigan o kung sino man na mahal niya at malapit sa kanya ay ginagawan niya lahat ng paraan. Hindi niya magawa na huwag pansinin ang mga taong nangangailangan ng tulong. Isang araw, may tinulungan siyang isang lasing na lalaki, si Uno, at ito na pala ang makakapagpabago ng prinsipyo niya. Hindi pala lahat humihingi o tumatanggap ng tulong. Dahil may mga tao na pinipiling makulong sa isang alaala kaysa makalimot. Pambihira. Bakit parang biglang naging malungkot ang buhay niya?

"It's not that I couldn't unlove you, it's just I don't want to." May problema si Hershey at marami naman siyang pwedeng hingan ng tulong. Kaya lang may isang nag-volunteer na hindi niya inaasahan, si Ice. Hindi niya magawang tanggapin ang tulong nito. Paano niya magagawa iyon, eh, ex-boyfriend niya ito? Ni hindi pa nga siya nakakapag-move on. Ano na ngayon ang gagawin niya?