Hindi ang itsura, yaman o popularidad ang batayan ng kasiyahan. Nagpanggap akong iba para hanapin ang katahimikan, pero hindi ko alam na 'yon pa mismo ang mag-aangat sa akin para makita ng iba.

Maraming pangako ang napapako. Maraming mga tao na dadaan sa buhay natin, at mawawala din. Lahat ng bagay ay hindi permanente at lilipas rin. Ngunit makakaya ba nating balikan ang nakaraan para sa isang taong nais mong makitang muli? May mga bagay na magiging malaking parte sa ating buhay at alam natin sa ating sarili na hindi natin sila kayang pakawalan. Kahit na sila'y minsan nang nawala, handa ba tayong bigyan sila ng isa pangpagkakataon upang maayos ang problemang naiwan sa inyong nakaraan?