Matagal nang pinanghihinaan ng loob si Katrina sa mga naririnig niya sa kanyang mga kaibigan tungkol sa estado ng relasyon niya kay Roldan-- ang boyfriend niyang nangibang- bansa. Kaya naman madali niyang natanggap nang malamang nakabalik na pala ito sa Pilipinas at nakatakda nang ikasal sa ibang babae. Isang gabi lang niyang iniyakan ang pagkabigo. Tahimik na siya. Pero parang hindi naniniwala roon ang fiancee ng ex-boyfriend niya. Akala yata nito ay may balak pa siyang agawin si Roldan o 'di kaya ay gumawa ng eskandalo sa araw ng kasal ng dalawa. Hanggang sa sumulpot ang isang guwapo ngunit makulit na lalaki na palaging nagpapapansin sa kanya. At sa hindi malamang dahilan, kahit kumukulo ang dugo niya rito ay hindi niya ito maiwasan. Kaya pala unti-unti nang nahuhulog niya rito. Pero bukod sa pagpapaibig sa kanya ay may iba pa pala itong misyon. Dahil si Aidan Lara-- ang lalaking bumulabog sa ibig-manahimik na mundo niya -- ay kapatid pala ng babaeng pakakasalan ng ex-boyfriend niya!

Dahil hindi mahal ni Haya ang lalaking gustong ipakasal sa kanya ng kanyang ama at dahil wala pa sa isip niya ang pag-aasawa, lumayas siya sa kanila. Nangako siya sa sariling babalik lang kapag natagpuan na ang lalaking mamahalin at pagsisilbihan. At sa isiping iyon, tutol ang loob niya sa paglitaw ng isang imahen sa kanyang isip: ang imahe ni Elmo Mirano. Katabi niya ito sa tren na sinakyan patungong Legaspi City. At talagang naiinis siya rito sa halos kawalan ng konsiderasyon-- nakadikit o mas tamang sabihing nakapatong na ang braso na ang braso nito sa kanya. Naiinis si Haya, pero naggugumiit pa rin sa kanyang isipan ang matigas na muscles ni Elmo na hindi maikubli ng suot na polo: ang makakapal nitong kilay at likas na mapupulang labi, ang init na sumisingaw sa katawan nito, na lalong nagpaasiwa sa kanya. Hindi pa man nakarating sa kanyang destinasyon ay mukhang babalik na si Haya sa kanila-- kasama si Elmo Mirano.

Napasimangot si Tweety nang makitang maikli lang ang mensaheng nakasulat sa card ng bouquet na natanggap at hindi pa nagpakilala ang sender. Dear Ms. Lopez, Happy birthday! I love you! From your number one fan Naging eratiko ang tibok ng puso niya nang maisip si Brendan Wisell. Sa lalaking iyon lang niya narinig ang salitang fan. Parang gusto na niyang kiligin. Sa kabila niyon, ayaw pa rin niyang paasahin ang sarili at baka ma-frustrate lang kapag nalamang hindi naman pala kay Brendan galing ang mamahaling bouquet. At kung ito man ang nagpadala niyon, wala ring saysay. Kailan man ay hindi niya ito lubusang maaangkin. Dahil si Brendan ang tipo ng lalaking hindi naniniwala sa kasagraduhan ng kasal!

Hindi akalain ni Krista na ang lalaking mayabang na nakaengkwentro niya sa isang coffee shop ay siya rin palang nakatadhanang maging boss niya-- si Doreamon Sulibit. Hindi na niya nakuhang mag-back out dahil ano na lang ang iisipin at sasabihin ng taong nagrekomenda sa kanya sa trabaho. Katwiran niya ay kaya naman niyang sakyan ang kayabangan ni Doreamon na may natural na karisma sa mga babae. Ngunit ang pagsakay sa kayabangan ni Doreamon ay siya ring nagbigay-daan kay Krista na mahulog ang loob dito. Lalo lang nag-umigting ang nararamdaman niya nang halikan siyang bigla ni Emon isang gabi na hinatid siya nito. Magmula nang araw na iyon ay alam niyang nagbago na ang relasyon nila ng lalaki. Nag-go with the flow si Krista sa naging relasyon niya kay Emon. Pero wala sa hinagap niya na ang simpleng pagkausap sa kanya ng ina ni Emon ang magdudulot ng labis na sakit at pagkadurog ng puso niya.

Ang akala ni Azenith ay tahimik na ang mundo niya. Sa kabila ng mga nangyari sa kanya ay maraming oportunidad ang kumatok sa pinto niya. Subalit nang makarating sa kanya ang balita na nasa Maynila rin si Zardou-- ang lalaking pinakaiiwasan niya -- ay naalarma siya. Hindi nito dapat malaman ang kanyang kinaroroonan. Mayaman ang lalaki at kayang-kaya nitong bawiin sa kanya ang lahat, maging ang kanyang dignidad. Pero nangyari ang kinatatakutan ni Azenith. Hindi sinasadya ay nagkrus ang kanilang mga landas. Natuklasan niyang hindi pa rin nawawala sa kanyang puso ang mahikang dulot ni Zardou sa tuwing matitigan siya nito. Ngunit sa estado nito ngayon, alam niyang hindi na maaaring dugtungan ang kanilang nakaraan...

Isang pangyayari ang nag-udyok kay Charlyn na puntahan si Ernesto Yap, ang taong matagal na niyang binura sa kanyang buhay. Panahon na upang ibalik niya ang sakit na idinulot nito sa kanilang mag-ina. At si Engr. Ivan Arcanghel, ang kalaban sa negosyo ni Ernesto Yap, ang mabisang instrumento para magtagumpay siya. Sa buong buhay ni Charlyn ay noon lang siya magtatangkang hulihin ang atensiyon ng isang lalaki. Wala siyang alam sa pakikipagrelasyon dahil pinatigas na ng mga pagsubok ang kanyang puso. Ngunit ano na ang gagawin niya kapag nalaman ni Ivan na ginagamit niya lang ito? Maisasakatuparan pa kaya niya ang kanyang plano kung biglang pumanig ang kanyang puso kay Ivan?

Pangit at wala raw sex appeal si Socorro kaya imposibleng magustuhan siya ng kahit sinong lalaki, lalo na ng crush niyang si Hans Gatmaitan. But she proved her detractors wrong. Sa tulong ng isang kaibigan, animo isang bulaklak na namukadkad ang kanyang ganda. Napansin siya ni Hans. Naging visible siya sa paningin nito. They became friends. Nadama niya ang importansiyang ibinibigay nito sa kanya. Dahil doon ay lalong nahulog ang loob niya sa binata. Nag-umpisa siyang mangarap na isang araw ay kakausapin siya ni Hans at magtatapat ito ng pag-ibig sa kanya. Ngunit isang malaking dagok sa kanya ang nalaman niya sa birthday party ni Hans. Nadurog ang kanyang puso sa deklarasyong binitiwan nito sa harap ng mga bisita. Kalabisan ba talaga ang asamin ang puso nito? *** Things we love about being pinay: *** How positively friendly we are... we can get along with just anybody...

Nakilala at nakapalagayang loob ni Portia si Nic, ang lalaking kagaya niya ay mahilig din sa mga animated at fairy-tale movies. Sa ilang beses na pag-imbita ni Nic na manood sila ng sine ay tila may mahikang taglay ang binata na hindi matanggihan ni Portia. At sa isang iglap ay namalayan na lang niyang hinalikan siya ni Nic. Para kay Portia, itinuring niyang isang hangin lang na dumaan sa buhay niya ang namagitan sa kanila ni Nic. Nagpalit siya ng cell phone number upang maiwasan at para hindi na siya magambala muli ng binata. After all, wala siyang kaide-ideya kung sino talaga si Nic at ganoon din ito sa kanya. Subalit hindi inakala ni Portia na muli niyang makikita si Nic. Isang masamang biro na si Nic o Gannicus pala ang kaisa-isang anak na lalaki ng kanilang boss at ang binata na ang nakatakdang mamahala sa kompanyang pinapasukan niya... Makakaya pa kayang pangatawanan ni Portia ang pag-iwas kay Gannicus gayong ang binata na mismo ang lumalapit sa kanya?

"Kung tungkol kay Anthony... na sabi sa akin ni Ally ay nakita ka raw niya na parang lalapit sa stage pero bigla ka na lang tumalikod. Siguro nakita mo 'yong ginawa ni Anthony, niyakap niya ako at humalik pa. Hindi ko inaasahan na gagawin n'ya 'yon. Teka, nagseselos ka ba? Ano ba'ng ibig sabihin no'ng hinalikan mo ako? Para lang patunayan na hindi ka baklus? Hindi ka bading? Eh, kung sabihin sa 'yo, oo, sobrang masaya ako na hindi ka pala totoong bakla! Slow lang talaga ako. Hindi ko agad na-realize na hindi ka pala gano'n. Binalikan ko sa isip ko 'yong pagkikita natin... ako 'yong nag-assume na bading ka. Ewan ko ba kung bakit ko naisip 'yon that time. Ang nakakaasar, sinakyan mo! I hate you, Kiel!"

Kung ano-anong masasakit na salita ang palaging ibinabato ni Happy sa kababata niyang si Garret. Ngunit kung anong inis niya rito, siya namang pagkagiliw ng tatay niya rito. Si Garret ang palaging kasa-kasama ng tatay niya sa pagkakarpintero. "Kahit ano'ng sabihin n'yo, ayoko pa rin sa Garret na 'yon. Ayoko sa lahat iyong taong walang modo, basagulero, at walang ambisyon sa buhay." Lumipas ang mga taon. Isa na siyang matagumpay na arkitekto. Sa pagkakataong iyon ay muling nagkrus ang mga landas nila Garret. Ibang-iba na ang lalaki sa Garret na nakilala niya noon. Mukhang kakainin yata ni Happy ang mga sinabi niya noon tungkol sa lalaki dahil sa kakaibang damdaming nararamdaman niya rito...