عندما يكون رجل مغرورا لايؤمن بل حب تدخل في حياته فتاة مرحة مشاغبة محبة للحياة تجعله يتمسك بها و بحبه لها لكن بطريقته الخاصة و لكنها نحب شخصا اخر ماذا سيحدث؟؟؟ هل ستصبح تحبه ؟؟ هل سيفوز بقلبها؟؟ (لحكاية ب لهجة دزيرية)

السلام عليكم اليوم جيتكم بكرونيك جديدة قريتها من قبل في ڨروب فايبر شابة بزااف فيها حب و انتقام نتمنى تعجبكم. 😉✌

كرونيك جديدة اتلمووووو تضحكو 😂😂 😂😂 كوميدية 🐸😂 الحلقة الاولى: هاسلام عليكم ... أنا لويزة... .. حبست لقراية في سنة ثالثة ، نعرف نعجن ندير شخشوخة نعرف نحلب البقرات ، و نركب الحمار ، و نولد القطوط و نضرب البارود فحلة الله الله ... مهم أنا كنت ساكنة في دوار بعيد طول على المدينة ما نعرف والو على المدينة و لا كفاش مدايرا ... عندي 7 خاوتي و أنا تقدرو تقولو كنت ثامنهم ... بابا و يما عايشين في دار نتاع تراب و الحجر ... عندنا الماعز و الغنم و البقرات و الجاج و الداند و أنواع الكلاب و القطوط ... كيعاد كنا عايشين في راس الجبل ... عايشين على الزراعة و الفلاحة كيما تاع بكري طول .. كان بابا و يما و خوتي يروحو للمدينة... يحكيولي عليها يقولولي عندهم ضواوي و عندهم بزاف ناس ... ديما كنت نحلم نزورها و نشوف الضواوي و الناس بزاف ... كنت مدللة بزاف في دارنا أنا لي ناكل الكبدة كي نذبحو عتروس واو ... أنا كنت شيك بزاف على خوتي ..ديما بابا كان يشريلي ... كومبا جديدة نلبسها ... مي خوتي مساكن لالا ...💔😭 مهم بالطبيعة الحال كنت جامي عرفت الحب و لا شفتو حتاان لهداك النهار ..