لو كان ينفع نختار نحب مين ف اكيد هنختار اللي بنضحك معاه من قلبنا ، مفيش بينا تكلف أو تمثيل ، عنينا بتلمع أوي من الفرحة وبنكون متطمنين لوجوده .. عارفين وحاسين بخوفه علينا طول الوقت في كل فعل ورد فعل ، أكيد هنختار اللي مبيتأخرش علينا في اي حاجة واللي ممكن يخطف من وقته ولو دقايق يشوفنا فيها .. هنختار اللي لما نبص ليه بنحس اننا بنشوف نفسنا في مرايه ، هنختار اللي يحسسنا انه فخور بينا وبنجاحنا .. اللي بيشجعنا من قلبه ، هنختار الإنسان اللي بيدينا أمل في بكرة وبيدوقونا الحب اللي اتمنيناه مش هنختار الي بيجرحنا وبيكرهنا وبيعند معانا وخدنا عشان ينتقم كلنا عارفين الحُب ويمكن نكون عشناه كمان، بس حُب زي ده مشوفنهوش قبل كدا، سهل نلاقي الحُب وسهل نعيشه، بس صعب نلاقي حُب صادق ويحبني مهما كانت الظروف، ويفضل معانا في أصعب أوقاتنا، صعب ألاقي شخص تكون سعادته هي سعادتي، صعب ألاقي شخص يكون عارف عني كل تفاصيلي الصغيرة قبل الكبيرة، وبيهتم بـ مشاكلي التافهه قبل الجادة، حُب مش بيتقال بالكلام قد ما في أفعال بـ تثبت الحُب ده، هنا هنلاقي حُب بين أشخاص عاشقة واتحول الانتقام لحب كل ده هنشوفه في روايتنا "غيرتني وگأنها الروح"🖤 لَـ منه ابراهيم

ربنا بيعوضنا بناس في حياتنا احنا مكناش متخيلين أنهم يكونوا فيها،احنا بنزعل علي الناس اللي بنحبهم لما بيسبونا ويمشوا ومنعرفش أن في ناس تانيه موجوده معانا بتتمني بس أننا نهتم بيها، الحب حلو بس لما نحب الشخص الصح ،الشخص اللي بينورنا مش اللي بيطفينا، الشخص اللي وأنا معاه احس اني ملكت العالم وأبقي مبسوطه وأنا معاه ، ناس كتير تستاهل تتحب.. لكن اكتر حد يستاهل يتحب بعد نفسك.. هو الشخص اللي بيقدر الحاجات البسيطة.. اللي بيفرح من اقل حاجة بتعملهاله من كل قلبه ويبقى مكتفي وراضي بيها.. تحس ان روحه بريئة عاملة زي الاطفال.. ده مبيكونش عبيط.. دي بتكون روحه نضيفة وقلبه نقي متلوثش.. قلب بكرتونته.. ده الشخص اللي بيعرف يقول شكرا من قلبه وانا آسف عشان ميقدرش ينام و حد زعلان منه.. اللي بيسامح بسرعة ويصفى.. السهل في التعامل معاه ومبتشيلش هم ده كله هنشوفوا في روايتي الجديده (برغم الفراق عشقته)..🤍 أتاريني فين ما بروح قلبك ده عنواني.🥺💗 - لَـ منه ابراهيم