HE WAS HER ANSWERED PRAYER! Hulog siya ng langit. Literal na nahulog mula sa langit at bumagsak sa paanan ni Pilipinas Agbayani ang isang estranghero na hindi niya alam kung saang lupalop nagmula. Maang na tinignan niya ang lalakeng nagniningning sa kagwapuhan dahil totoo pala na may mga anghel sa lupa. Dalawa lang naman ang hinihiling ni Pilipinas gabi-gabi sa mga panalangin niya. PERA AT PAG-IBIG. Ang tanong! Alin ba sa dalawa ang sinagot ni Lord? SHE WAS HIS ANSWERED PRAYER? Mula pa pagkabata wala na siyang ibang hinangad kundi ang pagsilbihan ang Panginoon at iwan ang nakagisnang karangyaan. Pero tutol doon ang mga magulang niya. Siya lang naman kasi ang nag-iisang tagapag-mana ng angkan ng mga Hontiveros. Hindi niya alam kung kagustuhan iyon ng Diyos pero natagpuan ng takas na semenaristang si Maximillian Hontiveros ang sarili sa isang magulong sitwasyon. Dahil sa dinami-dami ng pwedeng hingan ng tulong na tao sa mundo sa kamay pa ng Reyna ng mga SMP... (Samahang Mahihilig sa Pera) na si Pilipinas Agbayani siya bumagsak!