Matapos ang matagumpay na digmaang naisagawa ng grupo ni Bowen maging ng mga mabubuting mga nilalang laban sa mga masasamang panig ay kasabay rin nito ang pagkawala ng kanyang buhay. Kasabay ng pagkawala ng mga Guardian Beasts niya ay ang kanya ring inaasahang kamatayan. Ngunit mayroong pangyayaring hindi inaasahan na hindi alinsunod sa batas ng buhay at kamatayan. Ang dugong nananalaytay kay Bowen ay hindi nanggaling sa butihing mga magulang niya. Ang kanyang sariling pinagmulan ay isa pa ring malaking misteryo. Kasabay ng pagkawala niya sa kawalan ay siya ring pag-usbong ng kakaibang lakas na nakatago lamang sa loob ng katawan niya. Kahit tanggap na nito ang nasabing kamatayan ay kamatayan rin mismo ang magbibigay-daan upang bumalik ang kanyang buhay. Ang muling pagkabuhay niya ay tanda lamang ng panibagong paglalakbay. Muli niyang nasilayan ang ganda ng mundo ngunit sa ibang dimensyon na. Matatanggap niya kaya ang pangalawang buhay na ito kung ang kahulugan lamang ay wala na ang pamilyang naging parte ng buhay niya? Sa muling paglalakbay ng ating bida sa kakaibang dimensyon ng mga summoner, ano kaya ang magiging bagong suliranin kanyang kahaharapin? Magagawa niya pa rin kayang magtagumpay sa buwis-buhay na paglalakbay na ito o mabibigo lamang siya katulad sa naunang mundong kanyang nilalakbayan noon? Sundan ang ating bida sa pagtuklas ng kanyang sarili maging ang iba pang kapangyarihang kanyang tinataglay.