adhika // unang serye ng pag-ibig Si Gwenaelle, isang binibining may itinataglay na katarayan. Kailanman ay hindi niya ninais na magkaroon ng maraming kaibigan at nais lang na mapag-isa. Siya ay tila naging isang yelo sa loob ng mahabang panahon dahil sa isang pangyayaring lubos na nagdudulot ng lungkot sa kaniyang puso. Ngunit nagbago ang takbo ng kaniyang buhay nang siya ay itinakdang ikasal sa isang ginoong nagngangalang Danyiel Villanueva, isang ginoo na malaki ang pinagkaiba sa kanya. Sa hindi inaasahang pagkakataon ay nagtagpo ang landas nilang dalawa at kaniyang magiging asawa sa isang iglap. Magagawa niya kayang buksan ang kaniyang puso para sa binata? O tulad ng dati ay mananatili pa rin siyang matigas at malamig na bumalot sa kaniya ng mahabang panahon? Hanggang saan ang kakayanin nilang abutin para sa salitang pag-ibig? date started: september 28, 2021 date written: october 2, 2021 date finished: october 18, 2021 © aestheticess, 2021. THE WATTYS 2022 SHORTLIST!

gunita // ikalawang serye ng pag-ibig Si Carolina ay isang palangiti at masiyahing binibini ngunit ang lahat ng iyon ay nagbago matapos talikuran ang kaniyang kaibigan. Kinailangan niyang lumisan upang magpahangin at kalimutan ang pait na nangyari sa bayang kaniyang pinagmulan. Siya ay lumisan at pagsamantalang namalagi sa isang probinsya kung saan tahimik at magbibigay ng kapayapaan sa kaniya. Ngunit muli ay nagsimulang magbago ang takbo ng kaniyang buhay matapos dumating ng isang ginoong nagngangalang Markus Esguerra. Ang buong akala nya ay isa lamang itong ginoo na darating at aalis din sa kaniyang buhay ngunit naglaho ang pag-aakala niyang iyon matapos malaman kung bakit nasa iisang lugar silang dalawa. Dahil sa labis na kunsensyang nararamdaman ay sinubukan niyang tulungan ito upang makabawi man lang sa kasalanang hindi niya naman ginawa. Ngunit paano kung sa hindi inaasahang pagkakataon ay unti-unting mahulog ang kaniyang loob sa binata? Magagawa kaya itong suklian ni Markus sa kabila ng kasalanang nagdulot ng kadiliman sa buhay niya? Hanggang kailan kakayanin ng kanilang pusong lumaban para sa salitang pag-ibig? date started: september 28, 2021 date written: october 20, 2021 date finished: november 11, 2021 © aestheticess, 2021.

tadhana // ikatatlong serye ng pag-ibig Si Anastacia, isang binibini na binansagan bilang isang perpektong binibini sapagkat ang lahat ay nasa kaniya na. Kagandahan, katalinuhan, karangyaan, at kabaitan. Halos nasa kaniya na ang lahat. Siya ay tunay na ipinagpala ngunit hindi sa isang bagay na naghahari sa puso ng lahat, sa salitang pag-ibig. Umiibig sa isang heneral na handang gawin ang lahat upang makamit ang salitang hustisya, si Khalil Leviano Santiago. Isang ginoo na nagtataglay ng pambihirang katapangan at katalinuhan. Ang kababata ni Anastacia na kahit kailan ay hindi siya nagawang ibigin. Kasabay ng kaniyang pagbabalik sa bayang kaniyang pinagmulan ay ang pagbabalik din nito, ang pagbabalik ng kaniyang iniibig. Wala siyang ibang nagawa upang tulungan ang sarili sapagkat sa paglipas ng mahabang panahon ay hindi pa rin nagbago ang itinitibok ng kaniyang puso, patuloy pa rin nitong isinisigaw si Khalil. Paano niya matutulungan ang kaniyang puso gayong nagsimula na ring dumating ni Sergio sa kaniyang buhay? Ang kapatid ni Khalil at nagbibigay hangarin na makuha ang puso niya. Paano niya iibigin si Khalil nang malaya sa kabila ng tadhanang pumipigil sa kaniya? Magagawa niya pa rin kayang lumaban at hindi sumuko? Hanggang wakas ay magagawa pa rin kayang tumibok ng kaniyang puso para sa salitang pag-ibig? date started: september 28, 2021 date written: november 12, 2021 date finished: december 3, 2021 © aestheticess, 2021.

hiwaga // ika-apat na serye ng pag-ibig Si Mariella Yvonne ay isang binibini na kumpara sa iba ay nabubuhay sa kasalukuyang panahon. Isang babae na nagbibigay ng ngiti sa lahat ngunit kailanman ay hindi niya nagawang ibigay ang kaniyang tunay na ngiti. Kailanman ay hindi niya naramdaman at natukoy kung ano nga ba ang pag-ibig. Kasabay ng aksidente na kaniyang nakatagpo ay ang pagbabago rin ng kaniyang kasalukuyang buhay. Sa muling pagdilat ng kaniyang mga mata, sa hindi inaasahang pagkakataon, siya ay mapupunta sa isang mundong puno ng pinagkaiba sa kaniyang mundong mapait. Makikilala niya sa mundong iyon at mula sa nakaraan ang isang malamig na ginoong nagngangalang Yuan Enriquez. Isang ginoong hindi niya kailanman inaasahang darating sa kaniyang buhay at ipadarama sa kaniya kung ano nga ba ang tunay na pag-ibig. Ngunit paano niya ito magagawang ibigin ng malaya gayong nakalaan na pala ito para sa iba? Magagawa kayang lumaban ng kaniyang puso na sa kauna-unahang pagkakataon ay nagawang tumibok para sa isang taong nababalot din ng dilim? Hanggang ilang mundo ang kanilang tatahakin upang magsama at sa ngalan ng salitang pag-ibig? date started: september 28, 2021 date written: december 5, 2021 date finished: december 29, 2021 © aestheticess, 2021.