College buddies sina Elise at Clint. Noon pa man ay may lihim nang pagtingin si Elise sa binata. Hindi nga lang niya magawang ipahalata iyon dito dahil hindi ito naniniwala sa pag-ibig. Pero ganoon na lang ang gulat niya nang sabihin nitong handa na itong sumubok sa larangan ng pag-ibig. At gusto pa nitong tulungan niya itong ligawan ang babaeng gusto nito! Hay, kung magbiro nga naman ang tadhana! Para hindi na lang siya masaktan, pinili niyang umiwas na lang dito. Doon naputol ang ugnayan nila. Ngayon, pagkalipas ng maraming taon ay bigla na lang itong sumulpot sa gabi ng birthday niya, telling her na ito ang secret admirer na nagpapadala sa kanya ng paborito niyang blue roses na may kasamang sweet quotes. She realized he still had the same effect on her. Ito pa rin ang nagmamay-ari ng puso niya. Sa pagkakataong iyon, matutupad na kaya ang matagal na niyang pangarap na mahalin din siya nito?

Zack was Acky's childhood friend. Madalas silang mapagkamalang magkapatid. Madalas pareho rin ang mga nakakahiligan nilang gawin at parehong marami ang nagkakagusto sa kanilang dalawa. The only difference they had was their belief on love. Zack was born romantic while Acky was realistic. Hindi man magkatugma ang mga paniniwala nila ay nanatiling magkaibigan pa rin silang dalawa. So there really was no reason for him to make her have the same belief about love. Ngunit bakit sa dami ng mga pinagdaanan nila ay hindi nila maiwan ang isa't isa?

Sa buong buhay ni Jaeda hindi niya pinangarap na maging tulad ni Batman na magkaroon ng isang secret identity. Pero hindi naiwasang maging ganoon ang sitwasyon dahil talo pa ang bawal na gamot nang malulong siya kay Spencer Aaron Mapa. She became addicted to both car racing and her idol. Kaya para maitago sa mga kaibigan at pamilya-na alam niyang kokontra-ay nabuhay ang mysterious lady racer na si "Lady J". Alam niyang sa ganitong paraan ay mabilis siyang mapapalapit sa iniidolo. Hindi niya inaasahang matutupad din ang kahilingan niyang iyon. Ang akala niya ay handa na siya kung saka-sakali pero hindi niya napaghandaan ang mabilis na pagkakahulog ng puso niya para rito. Okay lang sana iyon kung hindi lang nito mahal ang matalik niyang kaibigan. Isama mo pang gustong makipagbalikan dito ng Barbie-look-a-like ex nito. At ang pinakamalupit ay mukhang nagkakagusto na rin ito kay Lady J. Ilang babae pa ba ang mali-link dito? Talo pa siya ng secret identity niya dahil kahit kailan ay hanggang kaibigan lang ang tingin nito sa kanya. Pakbet na mapait!