هي عاهرة... ولكن غير بالاسم، ماشي بحال الباقي، كتعيش وسط عالم كيدور على الشهوات،ولكن هدفها ماشي المتعة...، كتعيش وسط الظلام، كتلعب بالنار، لكن عمرها خلاّت شي واحد يلمسها، هي ما كتبيعش جسدها... كتبيع الوهم، كتخليهم يغرقو فالحلم، وكتخبي فكل خطوة خطة، وفكل نظرة انتقام، وكل ابتسامة فيها سمّ، وكل سرّ كتخبيه وراه جحيم. هو أميرال فالبحرية الإيطالية، رجل صارم، عقلاني، وما كيعرفش الرحمة... ولكن منين دخلات حياتو، تبدّل كلشي، ولقاء واحد غادي يبدل مجرى حياتو، بين الأسرار، الكذب، والاحساس اللي ممنوع يكون، جابت معاها ريحة الغموض، والشك، وماضي عمره دفنو. كل نظرة منها، كل كلمة، كانت كتحرك شي حاجة داخلو، وشي سر كينبض فالأعماق كيستنى يخرج للنور، بين ماضي مدفون، ووجوه كتضحك وراها الخيانة، وبين الحب اللي ممنوع، والحقيقة اللي غادي تهدم كلشي غادي تبدأ حرب ماشي فالبحر، ولكن فالقلب، فالعقل، وفالدم. فالعالم ديالهم، ماضيهم مربوط بخيوط خفية،خيوط كتسحبهم نحو الحقيقة اللي غادي تدمّر كلشي، غادي تولّي الحرب ماشي غير فالبحر، ولكن فالقلب حتى هو.الحب عندهم أخطر من الرصاص،والحقيقة؟ غارقة فالقاع، كتسنى اللي يطلّعها. بقلمي ريتاج الادريسي ❌ممنوعة من النشر ❌ الرواية سابقا كانت تحت عنوان "عـاهـــرة الاميــرال "