سجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة الجد وقوانينه المتعجرفة من جهة أخرى ... الجد الذي استغل قوته وجبروته في إذلال افراد عائلته وليكن "هو" كالذئب الصبور في تنفيذها وطاعتها ... وبين هذا وذاك وفي ليلة وضحاها ، تهب عليهم رياحٌ محملة بالحب لتكون الداء والدواء لها ... وليكون التغيير الاعظم له وفي قناعاته ومبادئه التي سارَ عليها بإرادته ردحاً من الزمن ... ليكتشف خطأه الاعظم ولم يكن يعلم مسبقاً بأنه سيقع عاشقاً لعينيها ... ويكون محاصراً بينها وبين قانون عائلته المجحف .....

جانت مجموعه صور مبعثرة لاخواتي سحبت صوره اختي گلبت الصوره ولكيت الرقم مكتوب بيها غمضت عيني واني اسمع صوت اختي وهي تكول :- _ يلا خابري فدوه خل نرتاح هوه منقذنه الوحيده ضربت رجلي بالكاع بقوه متردده وخايفه اخاف الحظ يعكس ويانه وبدل ماينقذنه يدفنه ايدي وجسمي كله يرعش مثل السعفه ! كمت وسجلت الرقم ردت اضغط ع زر الاتصال بس چنت خايفه کُلش بين الاريد اتصل وبين لا ؟ ضغطت ع راسي بقوه وغمضت عيوني من الألم والتفكير ! مو هين القهر الشفته ؟ فتحت عيوني واني اسمع صوت جنه _ شنو راح تسوين ؟ _ ما ادري خايفه ما اكدر اعرض حياه اخواتي ومن ثم حياتي للخطر ! جاوبته واني أشر ع نفسي بحيره وقهر _ ملك كومي خابري عسئ ولعل الحظ يكعد ويانا وينقذنا هو أملنا الوحيد البقه فكري باخواتج يجوز هو راح ينقذنا ملك يلا ! اتباوعت بعيونها واني اشوف عيونها مقرقره بالدموع والخوف ماليهن ! _ ما اكدر اشوف دم اختي كدامي ما اكدر اتصل افهميني ! _ بس شنو ذنبي اني ما اريد هاي الحياه شلون اعيش وي قاتل اختي وانتي كليلي شلون راح تعيشين وي واحد يكد ابوج واخواتج منو الهن فكري بينا ملك لج ملينا فدوه بلكت يكدر يساعدنه ؟ كالت كلامها وهي تهز بيه ودموعها تنزل بغزاره ع وجها ما اتحملت اشوف دموعها المتوسله واني اشوفهن كل وحده منهن منتظره ملك #جنه# ريم ر