នៅក្នុងរឿងមួយគឺតែងតែត្រូវការតួអង្គហើយ តើត្រូវទេ? ដូចជាតួអង្គឯក តួអង្គរង អីបែបនិង ចំណែកឯក្នុងជីវិតពិតក៏ដូចគ្នា យើងអាចនឹងក្លាយជាតួអង្គឯក ឬក៏តួអង្គរង នៅក្នុងជីវិតនរណាម្នាក់ ដែលគេបានកំណត់អោយយើង។ វាក៏មិនខុសអីពីជីវិតខ្ញុំដូចគ្នា មនុស្សម្នាក់ៗតែងតែចង់ក្លាយជាតួអង្គឯក ប៉ុន្តែហេតុអ្វីបានជាខ្ញុំចង់ក្លាយជាតួអង្គរងក្នុងជីវិតរបស់គេទៅវិញ ក៏ព្រោះតែខ្ញុំស្រលាញ់គេ ខ្ញុំសុខចិត្ដធ្វើជាតួរងដើម្បីបាននៅក្បែរគេ ទោះបីជាដឹងហើយថាវាឈឺ ព្រោះតែគេមានម្ចាស់រួចទៅហើយ គេមានតួឯកក្នុងជីវិតរួចហើយ តែខ្ញុំនៅតែស៊ូរទ្រាំបំពេញតួនាទីមួយនេះជានិច្ច ហើយទាំងអស់នេះក៏មកពីសេចក្តីស្រឡាញ់ដែលខ្ញុំអោយទៅគេដូចគ្នា។ តើខ្ញុំអាចស៊ូទ្រាំនឹងពាក្យថាជាតួរងនេះបានយូរប៉ុណ្ណាទៅ ?