Umiikot ang buhay ni Patricia Marie sa mga raket-raket. Bilang nag-iisang breadwinner ng pamilya, desperada siyang makahanap ng mapagkakakitaan. Sa pagnanais na makausad sa kahirapan, napilitan siyang pumirma sa isang kasunduan, kasunduang nag-landing sa kanya bilang asawa ng napakaantipatikong si Elijah Javier, isa sa mga tagapagmana ng Buenaventura Empire. Kinumbinsi niya ang sarili na isa lang 'to sa mga napakarami niyang raket; malaki ang bayad, sobra-sobra ang mga benepisyo, at, higit sa lahat, simpleng pagpapanggap lang ang kailangan niyang gawin sa araw-araw. Tapos! Ngunit habang tumatagal ay tila nagbabago na ang paningin niya sa misteryosong "asawa". Ang dating nakakabinging katahimikan ay unti-unting nagiging pamilyar... at ang bahay na akala niya ay kulungan, ngayon ay nagmistula nang tahanan. Sa pagitan ng kontrata at totoong bugso ng damdamin... saan ilulugar ni PM ang nararamdaman? Lalo pa at hindi lang pala puso ang nakataya sa kasal?