"Wattys 2021 Winner in Historical Fiction Category" Sa loob ng labinlimang taon, ang makasal sa kababata niyang si Enrique Alfonso ang tanging pinapangarap ni Estella Concepcion. Ngunit nagbago ang lahat nang makilala niya si Lucas, ang pinsan at karibal ni Enrique sa politika. *** Makatwiran at hindi nagpapatalo, lumaki si Estella Concepcion na patuloy na umaasang magkakatuluyan pa rin sila ni Enrique Alfonso, ang batang nagpagaan ng kanyang loob labinlimang taon na ang nakararaan. Ni minsan ay hindi nawala ang kanyang paghanga at pagtingin sa binata na siyang magiging susunod na gobernadorcillo ng bayan ng San Alfonso. Ngunit tila gumuho ang kaniyang mundo nang mapag-alaman niyang ipinagkasundo na ito sa ibang dalaga. Desididong mapangasawa pa rin ang binata, hihingin ni Estella ang tulong ni Lucas, ang pinsan ni Enrique. Sa paglipas ng panahon at sa mga sikretong kaniyang matutuklasan, handa pa nga rin bang gawin ni Estella ang lahat upang maikasal sa binatang matagal na niyang inaasam? O tulad ba ng ihip ng hangin ay magbabago rin ang isinisigaw ng kaniyang puso? Cover Design by Precious Pages Corp./LIB Books Book Type: Hardbound (With Book Jacket Cover)

Tamad. Feeling gangster. War freak. Kontento na si Pierce Useda sa magulong takbo ng buhay niya. Bigla lang itong nagbago nang magkrus ang landas nila ni Leaf Tea-ang babaeng pinagtangkaan niyang holdapin, pero nauna na nitong nakawin ang puso niya. Ang problema nga lang, taken na ang dalaga ng isang star athlete, guwapo, at mayaman. Ano nga ba ang laban ng isang jejemon na feeling gangster na tulad niya? Sa mga gulong kinasangkutan ni Pierce, hindi niya akalaing ang pag-ibig pala ang pinakamagulo at pinakamasakit sa lahat. Ito na kaya ang una at huling laban na susukuan niya?