تدور الدنيا حتى تجمع ناس افترقت عن ناس وتواجه ناس بناس و تخلي الظالم يندم و يطلب سماح و نمر بيها بظروف منتخيل تكون بيها اسرار و حكمة رب العالمين يعرفها ...

قصة تدور حول ابنية من عائلة محافظة ودينية والحب هنا يدخل حياتها هل ياترئ راح تكمل بهل طريق ؟ تابعو القصة و اتمنئ تنال اعجابكم حتئ استمر بيها واغلب الاحداث عايشينها و كل واحد منة يتمنئ. يعيش بشي حلو مثل القصة وكتبتها وخليت هواي افكار ممكن تمر بحياتكم . انطو لايك وعلقو تعليق حلو مثلكم ونبدي القصة بسمة تعالئ. ▫️

حياة : اني حياة عمري 22سنه اني وحيده ابويه امي توفت من جان عمري 13سنه ابويه تعب وره وفاه امي لان جان كلش يحبها عمامي اصرو عليه يتزوج بس هو جان رافض لان جان يحب امي هواي ويخاف عليه من مرت الاب ابويه مقصر ويايه بشي كل الي اريد جيبه الي ومجان يقبل احد من عمامي وعماتي يفتح موضوع زواجه ابد كملت دراستي بس مكدرت اطلع معدل عالي بسادس لان بهذه الفتره ابويه تمرض حيل واني جنت اداري دخلت معهد سنتين وكملت وكعدت بالبيت ابويه احنا من الجنوب عائلتي اغلب مخلفه ولد يعني بكل عائله لو تلكه بنيه لو بس ولد لذالك ابويه جان رافض اشتغل وجان يكلي انتي ممحتاجه لوظيفه لان عائلتنا متمكنه وعدها اراضي واملاك حياتي جانت كلش مريحه وجنت فرحانه بيها لكن بيوم من الايام كلشي دغير وصارت حياتي شي اسود ****************************** خالد : اني خالد عمري 36 سنه اني اكبر اخوتي اني المسؤول عليهم بعد ما والدي توفى اني توليت العشيره وكل يحبني لان اني مارضى بظلم وياهو الي محتاج ماقصر وياه ولكل تقدرني وتحترمني عشيرتي من العشاير الكبار بالعماره اني متزوج من عمري 19سنه ابوي زوجني من وكت وحملني مسؤوليه اهلي كلهم وجنت كدها وعمري ماشكيت . بعد ولاده مرتي بطفلتنا الاولى توفت وجانت صدمه الي ومعرفت شون حكدر اربي امل بنتي وامها ماكو لكن اهلي مقصرو وياها

ملاحظه #القصه حقيقه طلب من صاحبت القصه وصاحب القصه . للكاتبة رسل الموسوي

الفصلية مريم.💭♥