Ang puno ng siglang si Clarice Krizaiah Sesante ng Kamalig, Bolho ay naniniwalang walang imposible sa taong may pangarap. Dala ang pabaong pagmamahal at sermon ng kaniyang Itang at Inang bago lumuwas sa sentro upang mag-aral, bitbit niya ang hangaring maging manggagamot para sa kapatid niyang may karamdaman. Ngunit sa pagdating ng hindi niya inaasahang si Arion Evid Azores ay mararanasan niyang isugal ang lahat. Husto bang ilubog ang kaniyang mga paa sa malabong tubig ng tadhana? O tuluyan lang siyang malulunod sa mabagsik na agos ng pagmamahalang ipinangako ng binata? Lrameina 2022 Dew Series #2

Kasama ng itinuring na niyang nanay, si Austere Antipuesto ay namuhay bilang isang simpleng estudyante sa bayan ng Bolho. Tago sa lahat ang kaniyang buhay noong musmos pa lang na pilit niyang tinatakasan.Ngunit tadhana na mismo ang magbabalik sa kaniya sa mga taong nais niyang talikuran. Wala man siyang kayang gawin kung hindi sila ay harapin, sisiguraduhin niyang iparanas kung gaano kalalim ang sugat na natamo niya sa mga ito. Pero kung si Rust Lenares ang kaniyang alas, maaari bang masupil ng binata ang kaniyang mga balak? Mahihilom ba ng sumisibol na pag-ibig ang talim ng ala-ala ng kaniyang nakaraan o lalo lang nitong wawakasan ang mailap na ngiti ni Austere? Lrameina 2022 Dew Series #1