Sa minamahal kong Maria, Simulan ang unang pahina ng libro na ikaw ang pangunahing paksa. Ang bidang lagi kong pinagmamasdan araw-araw. Ang bidang pinagmamayabang kong aking paraluman. Pangalan mo'y magiging titulo ng ating kwento na nilalaman ng tatlumpung araw na kasama kita dito sa mundo. Iloloob ang mga pangarap mong inisa-isa kong tinupad para sayo. Kung kaya ko lang habaan ang oras na magkasama tayo na mas mahaba pa sa nobelang isusulat ko para sayo. Naalala mo pa ba ako, Maria? Para sayo ito.