Paggising ni Kel Revarencia isang araw, wala na ang kanyang kapatid. Wala rin siyang ibang maisip na dahilan sa pagkawala nito maliban sa pagtawid sa mahiwagang tulay na matatagpuan sa Bood, Bancasi ngunit hindi lahat ay basta-bastang nakakatawid sa tulay na magdadala sa'yo sa ibang mundo na binansagang 'Maharlika'. "Tanging mga piniling Pilipino lamang ang maaaring makapasok sa kabilang mundo," ngunit hindi nito pinigilan si Kel. Isang gabi, sa ilalim ng bilog at maliwanag na buwan, nagtungo si Kel sa tulay ng Bood at puwersahang tumawid sa kabilang mundo. Mahahanap kaya ni Kel ang kanyang kapatid? Ano ang naghihintay sakanya sa mundong tinatawag na Maharlika? Lahat ng kasagutan ay malalaman... sakanyang Pagkamulat.