On going... Olivia's story

Ysabella Morales. Isang dalagang hindi na umaasa na makakatagpo pa ng "other half" niya. Sa edad niyang magti-trenta na, matagal na niyang tanggap na hindi para sa kanya ang pag aasawa. Masaya naman siya sa buhay niya na walang ibang iniintindi kundi ang sarili niya lang. Pabor din naman sa kanya bilang introvert dahil kumportable at sanay naman siyang mag isa. Pero panu kung, biglang nagbago yung plano sa kanya ni Lord? Paano kung biglang may dumating na ni sa hinagap ay hindi niya naimagine na makikilala niya? Tatanggapin niya ba ito o pangangatawanan na lang niya ang pagiging matandang dalaga?

Lorraine Arellano. Ang babaeng naglaan ng walong taon sa maling tao. Nagmahal, nagpakatanga, nasaktan. Sobrang nasaktan. The definition of love became meaningless. Bakit pa siya maniniwala sa love kung ang taong minahal niya sa loob mahabang panahon ay nagawa lang siyang ipagpalit sa babaeng wala pang isang buwan nakilala? Talaga bang kapalit-palit siya? Kaya naman dala ng matinding sakit na nararamdaman, nakalimot siya at ibinigay ang sarili sa lalaking ngayon lang niya nakilala. At ang masama pa doon, nagbunga ang isang gabing pagkakamali. Pangangatawanan na ba niya ang katangahan o baka naman ang akala niyang pagkakamali ay siya palang pinaka tamang desisyon niya na ginawa sa buhay?

Maria Chantal Arellano. Ang pilyang nagtataglay ng magandang mukha. Maraming lalaki ang nabibighani at humahanga sa kanya. Pero paano kung napukaw ang atensyon niya sa isang lalaking malaki ang agwat ng edad sa kanya at nakikita lamang siya bilang isang "bata"? What if hindi lang edad niya ang issue, kundi maging ang istrikto niyang Ate? Darating pa kaya sa puntong masuklian ang feelings niya na akala niya'y hanggang simpleng paghanga lang?