Sa isang lumang bahay na may lihim na kasaysayan, muling sumiklab ang kadilimang matagal nang pinipilit kalimutan. Isang dalagang babae na nagngangalang Mara ang naging biktima ng isang makapangyarihang pwersa-at ang kanyang katawan ang naging sisidlan ng kasamaan. Habang sinusubukan ni Father Gabrielle, isang pari na may marupok na pananampalataya, at ni Crestella, isang dalagang may sariling mga lihim, na iligtas ang kaluluwa ni Mara, unti-unting lumalantad ang mas malalim at mas madilim na misteryo na bumabalot sa kanila. Sa gitna ng mga ritwal, dasal, at takot, unti-unti nilang natutuklasan na ang kasaysayan ng kanilang pamilya at simbahan ay mas konektado sa kanilang sinasapitan kaysa sa inaakala nila. Ngunit hanggang saan ang kaya nilang isakripisyo para sa kaligtasan? At ano nga ba ang mas matindi-ang anino ng nakaraan o ang pintuan ng katotohanan na hindi nila kayang buksan? Isang kuwento ng pagkawala, pagsapi, at paniniwala, kung saan ang bawat lihim ay may kapalit, at ang bawat pintuan ay may aninong nag-aabang.