#شُـــــــــوكْ_الـــــــــوَرْد حلاوة الورد فشوكو......و مرار المرا كاتشربو فكاس غارق كايقولو كل زبيبة فكرّها عود ، وكل وردة فجدورها شوك ، و السبولة الطويلة المجردة وسط الحصيدة كاتكون غلتها خاوية و زريعتها مدودة واخدة غير الشنعة بين الحصادة ، و فهاد الدنيا كل فولة مسوسة كايجيب ليها ربي فروج عور ينقب من وسطها و يزيد خلفة مع الطريق.....الدجاجة اللي بكامونها و مقومة و مقادة عرف راسك أبن عمي غاتغرم فوق راسها الغااالي....تسوس على جالها الجيب و تمحن لگليب قصة شعبية من قاع الخابية ماخوضو فيها يدين ما ورقوها عينين باحداث حقيقية نسبة الحقيقة فيها 80%....فسطورها حكايات و حجايات عاشوهم ناس كانعرفهم منهم قراب و بعاد ،،، فيها الي انا عشتو و حتى نتي عشتيه ولا غاتعشيه....هازة شاكوش عامر و مدكس من المواضيع لي يتحرق ما يتم و يتكال ما يتهضم ، لا لقيتي راسك وسطها عرفيني بلي عاشرت ناس بحالك و دربليتهم من حياتي....الحاصول كل وحدة داخلة لعالم القصص بالدارجة غاتلقى راسها وسط الأحداث بلا ماتفطن حتاش ولا بدا واحد من مواضيعها غاتكوني دزتي على سِراطو.....ما تحكميش من أول سطر و تنكراي مع البدية حتاش لي جاي فين يبان باش بديت