من بين طيّات الورق العتيق ووسط غبار الأزمنة الغابرة في قُرى يلفّها الضباب رواية تحكي عن زمنٍ مقلوب تروي النسوة فيها الحكايات على ضوء الفانوس وُلدت أسرار لا يُفترض أن تُقال تقول العجائز: "الدم ما يصير مي ، والظلم يرجع بصاحبه لو بعد حين" لكن ماذا لو كان الظالم مجهول؟ وماذا لو كانت الحقيقة مدفونة تحت أقدام من نظنّهم أبرياء؟ في زمنٍ قديم، حيث الدم لا يُنسى حيث تختلط الحقيقة بالوهم وتولد أسرار لا تنام وتُبعثر أسرار دُفنت عمداً ووجوه تحمل ملامح من الذنب، من الحب ومن الحنين... نظرات مشوّهة وقلوب تاهت بين الانتقام والعشق بين الوهم والواقع قلوب أُغرقت بين ثأرٍ لا يعرف الرحمة وحبٍّ خُبئ مُنذ المراهقة كوصمة عار وكل شخصية ظلٌ لحكاية لم تُروَ بعد ... في هذه الرواية لايُقاس الزمن بالساعات، بل بالخذلان، بالخيانة، وباللحظات التي تغيّر مصيرًا كاملًا دون إنذار فهل تُشفى الجراح حين تُفضح الحقيقة؟!! أم تزداد عمقًا حين يُكشف المستور؟!! #بِــقــلَمــي_تـَـرانــِيــم 🕊️. #روايـة_باللهجة_العراقية * الروايـــة جاري التعديل عليها ،لأنها قديمة وسردي قبل غير عن هسه فإذا ماعجبكم شيء بيها، أتمنى تتفهمون هذا الفرق 📌

_ بسرررعة وحدة تجيب عبايتها.. امي جانت قريبة على عباتي شمرتها الة كمطني بيها تكمط ، وسحلني من المطبخ لغرفة ابن عمي المتزوج سحـل .. اول ما فتح الباب شمرني داخل الغرفة باوعلي بغضب واضح وگال:- _ أنتِ شنو من بنية رحمه المحمد ، هذااا لبس ينلبس بشرفچ؟؟ ، لچ أنتِ متشوفيننن شلـون معاني جسمج ومفاتنچ واضحه!! فرك وجهة بعصبيه ورجع گال:- _هذا لبس وحده مترباية وبت بيوووت... ، بس تعرفين شنو مو صوچچ صوچييي اني الي خليتچ تطلعين مِـن البيت اصلاً... مافتحت حلگي بحرف بس واگفه ومنزله راسي .. لزم راسه بقوة وعصرة بأيده وگال:- _يجي يوم يا سُحاب وتجلطيني والله تقدم بتجاهي وصار گبالي حط عيونة الحاده بعيوني واردف بذوبان:- _كُل هذا الحسـن اذا احد شافة غيري اذبحچ... جرني اله ومد ايده ولزم القميص من جهة الصدر... ، وشگه من بدايته النهايتة !! ، لكن مِـن حُسن حضي چنت لابسة فانيلة نـص... ما تحملت دموعي نزلت ،، دنكت راسي وبچيت بأعلى صوتي