🎄 #قصة_رأس_السنة 🎄 حينما تشعر بالوحدة ..رغم كثرة المحيطين بك ... حينما تريد الصراخ ...البكاء..لكن محاجر عينيك قد جفت من البكاء حينما تتلعثم في الكلام...ويقف قلبك عن الخفقان ...وينشل فكرك لتدرك اخيرا انه وقت الرحيل ... حينما يخنق القدر كل أمل لديك...ويكسر كل مجاديف النجاة ...لتغرق في بحر من الضياع حينما يؤدى الشرف في المهد ويهتك العرض بإسم الحب حتى تتراقص الذكريات الجميلة أمامك لكن ليس لرجوعها عن سبيل فقط سيكون هناك جزاء عن كل ذكرياتك الجميلة ...الحزينة ...الشيقة ...الشغوفة فقط جزائك يا وعد ❤️ بعدما توقفت عن الكتابة لمدة 9 أشهر قررت نرجع ليكم بمولودتي الثالثة بعد توأم روحي و وجهان مختلفان..... اليوم جيتكم بقصة #جزاء_وعد القصة لي كانت غادي تحط ف 2020 ولكن الظروف لي طراو ليا هاديك الوقت خلاوني مانحطهاش و اليوم الحمد لله وصل وقتها باش تحط... مغاديش نهضر على القصة و موضوعها حيت بغيتكم كلشي تكتاشفوه فسطورها لي غادي نقوليكم القصة غادي يكونو فيها بعض الاحداث حقيقية دازو على أرض الواقع و الاحداث الأخرى من مخيلتي و اكيد غادي تكون عامرة بالعبر و النصائح هادفة كيفما كايعرفو عليا لي قراو قصصي اللولين ضروري مانوصل ميساجات من خلال قصصي المتواضعة... 🥀 #جزاء_وعد 🥀 بقلمي أنا #Witta

ـافـرات هـي وبـنـت خـالـتـها لـمراكـش وسـلـتـوا لـعـرس مـا كـايـعـرفـوا فـيـه حـتـى واحـد ...... خـطـفـهـا اكـبـر راجـل مـافـيـا فالـمـغـرب وايـطـالـيـا ⛓️🔒🇲🇦

• عطيني يدك ° ناوي تهز ليا الخط؟ [ مدات يديها و عاودات نطقات ] شنو كاتشوف فيدي؟ • لعبتي مزيان فصغرك ! ° [ ضيقات عينيها فيه و نطقات ] وي ضروري .. راه الطفولة هاديك • فاش كنتي صغيرة لعبوك هدا سرق بيضة و هدا كلاها ! شنو زعما واش رشقات ليه على اللعب؟ مايمكنش .. كاينة شي حاجة تما ، بغات تجبد يديها غير بالفن و كان أسلوبها هو تتلبس قناع الغباء ° علاش شكون فينا لي مافايتش لعبها [ بغات تجبد يديها من يديه ولكن زير عليها و ضحكات ] ههههه لا ا داوود ماتهرنييش راه ماكانحملش لهران سرح يديها و دوز صبعانو على الرحا ديال يديها بحنان و هي متبعة معاه شنو باغي يدير و واحد الرعشة خفيفة سرات بين ثنايا الجسد ديالها ميل راسو و شد إصبع الخنصر ديالها و طواه بحنان .. تنحتات واحد الشبه إبتسامة على شفايفو و نطق بنبرة هادئة • هدا بغا واحد البنت طوا إصبع البنصر ديالها و هاد المرة كان زير عليه و عاود نطق بنبرة مبهمة غير إعتيادية بالنسبة ليها • هدا بغاتو ديك البنت لي بغاها اللول طوا صبعها الوسطاني و زاد زير على صبعها و عاود نطق بنبرة باردة • هدا حط عينيه على البنت لي بغاها اللول طوا إصبع السبابة ديالها و زاد ضغط عليه و نطق بنفس النبرة الباردة • هدا بغا يخطب ديك البنت لي بغاها اللول طوا أخر إصبع لي هو الإبهم و ناظرها بنظرة مشاب