Angelica was a rich spoiled brat na sakit sa ulo ng ama niyang si Don Bienvenido. Hindi niya intensiyong maging pasaway na anak subalit sadyang hindi lang sila magkatulad ng tatay niya sa mga bagay-bagay. Gusto nitong kumuha siya ng business management. Pero Criminology ang kinuha niya. Classical music ang hilig nito. Loyal at die-hard fan naman siya ng mga rakista. Nang mapuno ito sa mga kalokohan niya ay pinutol nito ang credit cards niya. And to have some money, she even tried to steal his musical instrument collections para ibenta sa mataas na presyo. Unluckily, aksidente niyang nasira ang pinakaimportanteng koleksyon nito na ipe-present sana sa isang auction. At kapag nalaman 'yon ng ama niya ay hindi ito magdadalawang isip na itakwil siya. Dahil sa mga pangyayaring iyon ay nakilala niya si Dave Gil Mendez, isang isnabero at masungit na musical shop owner. Napadpad siya sa tindahan nito upang doon humanap ng kaparehong violin na nasira niya. Pero ipinatapon siya nito sa labas ng shop nito nang laitin niya ang mga paninda nito. Anong gagawin niya kung ang antipatikong binata lang na 'yon ang puwedeng makatulong sa kanya?

Unang nakilala ni Krypton ang trese-anyos na si Vastia sa isang komplikadong sitwasyon. Bihag siya. Kaanib ito ng mga teroristang nakahuli sa kanya. Para makatakas, tinulungan siya ng dalagita. Nakatakas nga siya pero ito naman ang napahamak. Inakala niyang namatay ito sa nangyaring pagsabog sa kuta ng mga Africano. Pagkalipas ng labing-dalawang taon, isang babae sa airport ang na-encounter niya na nagde-defuse ng isang bomba sa loob mismo ng eroplano. Nalaman niyang isa itong Scrap at nasa linya ito ng ganoong trabaho. Ang hindi niya inaasahan ay ang muling pagkikita nila sa mismong kuta ng kalaban. Muli ay bihag siya at ito ang bantay niya. Pero paano niya ba ito ituturing na kaaway kung hindi iyon ang nakikita niya sa dalaga? Di matatawaran ang concern na ipinamalas nito sa kanya. Nag-alok pa ng tulong na patatakasin sila ng babaeng pakay niya sa grupo-isang babaeng naging malalim ang kaugnayan sa kanya. He was torn between the woman who wanted him dead and the woman wanted him to stay alive. Kahit na gusto niyang alisin sa poder ng Black Society si Liberty, hindi niya naman maiwan ang babaeng nakilala niya sa pangalang Tia. Paano kung malaman niyang si Tia at ang dalagitang si Vastia na nagligtas sa kanya sa Kenya ay iisa? Subalit hindi siya kinatigan ng tadhana dahil nang malaman niya 'yon, naghihingalo na ang duguang dalaga sa mga bisig niya. At ang bumaril dito ay walang iba kundi si Liberty. Paano niya tatanggapin 'yon? Magiging huli na ba ang lahat bago niya pa mapagtanto ang tunay na damdamin niya? Muli ba siyang mabibigo at kukunin sa kanya ang babaeng ilang beses na nagligtas sa kanyang buhay? Sa tingin ni Krypton ay hindi niya na 'yon kakayanin pa...