قالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم للأجيال جيلاً بعد جيل هم ياولدي أصحاب القلوب المريضة والوجوه المتعددة تحكمهم المصالح قلت .. ياجدتي قرأت ذات يوم حكمة تقول : ماتخفيه القلوب تظهره المواقف.. وانا جعلت الموقف حاكم بيني وبين البشر لأننا لا يمكن أن نحكم على الجميع بتلك الصفات قيل أيضاً .. في القلوب المجد لا يُباع ويُشترى ! المجد تصنعه النفوس الشجاعة .. وتحميه القلوب المخلصة النبيلة ! وكل هذا تظهره المواقف انا تعلمت من أخطاء اسلافي أن لااتغاضى عن القليل كي لا أحصد الكثير

مشهد 1 كاعدة كدامي اباوعلها وعيوني تدمع مستعدة اسوي كلشي واحارب العالم كلها علمودها مستعدة اخاطر بحياتي وادفع عمري كلة علمودها اني عايشة علمودها ماعندي بالدنيا غيرها مسحت دموعي واتخذت قراري خلص هذا القرار الوحيد والصح رحت للموبايل جبت البطاقة البيها رقمة دخلتة واتصلت بسرعة جاوب بعدني ماحاجية ضحك وكال -عرفتج تتصلين -موافقة على طلبكم -چنة متأكدين توافقين..باجر تعاي الساعة 7 بليل ننتظرج بـ **** لا تتأخرين سديتة منة وگلبي مورم حقد وكره ضد العالم كلة محد رحم بحالي _______________ مشهد 2 اجة كدامي ضربني راجدي وصاح -اعترفي لج *** -لو تموتني كتل مااعترف وخررر عني -بكيفج ضلي هجي بعدين انتي راح تعترفين من وحدج باوعلي من فوك لجوا وطلع كعدت بالكاع ابجي مستحيل انطيهم معلومات لا لا مستحيل اسويها اوف وينها هسة هي شنو وضعها شنو اكلت شنو شربت الله ديعاقبني لان سويت هيج استاهل يااربي اني استاهل بس لا تعاقبني بيه تعرف الضروف الخلتني التجئ لهيج مكان ياربي ساعدني _______________ مشهد 3 -بابا من كل عقلج مصدكة يساعدوج؟ -ماعليك انت ولا تدخل اني اعرف اتصرف -والله؟وشلون تعرفين تتصرفين -عشت كل عمري وحدي عانيت وحدي تعبت وحدي انذليت وحدي اشتغلت وحدي كلشي سويتة وحدي تجي هسة تكول شلون تعرفين اعرف كلشي اني -بس مو هجي مو بهاي