Sa batang edad ni Qier, napaniwala na niya ang sarili na ang mundo ay nababalot ng kasamaan. Sa kaniyang lugar na kinagisnan ay palasak ang kasakimaan at isa siya at ng kaniyang angkan sa mga naging biktima mula sa kawalan ng katarungan at pang-aalipusta ng mga mas nakaaangat, mas makapangyarihan, at mas may otoridad. Sa kadahilanang ito humugot ng inspirasyon ang binata upang hubugin ang kaniyang sarili sa pagprotekta sa kanilang angkan at abutin ang lakas na walang katumbas! Isang lakas na walang kinikilalang batas! At higit sa lahat, isang lakas na maging ang mga Diyos ay kinakatakutan at luluhuran!