ဂမ္ဘီရအဖြစ်အပျက်တွေ၊ ထွက်ရပ်ပေါက်ပုဂ္ဂိုလ်တွေ၊ စုန်းတွေ၊ မကောင်းဆိုးရွားတွေ၊ ဘီလူးတွေ၊ နာနာဘာဝတွေလိုမျိုး သဘာဝလွန်ဇာတ်ကောင်တွေနဲ့ အဖြစ်အပျက်တွေကို အောင်မြတ်သာဆိုတဲ့ လူနဲ့ သူ့တပည့်တွေက လိုက်ပြီး ဖြေရှင်းပေးတဲ့ ဇာတ်လမ်း။ ကောင်းသူကယ်၊ မကောင်းသူပယ်တဲ့ သူတို့ ဇာတ်လမ်းက အောင်မြတ်သာဆိုတဲ့ လူငယ်လေးစတင်ခဲ့တဲ့ ခရီးတစ်ခုကနေအစပြုလို့ ဇာတ်လမ်းတစ်ပုဒ်ပြီးတစ်ပုဒ်ကို ထမင်းမေ့ ဟင်းမေ့ ဖတ်မိသွားစေမှာပါ။

နန်းဝေ ဆိုတဲ့ကောင်လေး တစ်ယောက် ဖခင်ဖြစ်သူရဲ့ ဆူပူမှု ဒဏ်တွေကို နားမထောင်ချင်လို့ ကိုယ်တိုင် အလုပ်ထွက်လုပ်ဖို့ ကြိုးစားခဲ့ရတယ်။ အစ်မဖြစ်သူကို သနားတာ တစ်ကြောင်း၊ ကိုယ်တိုင်လည်း စွန့်စား ချင်တာကြောင့် သင်္ချိုင်းဘေးနားက ဝက်ခြံလေးမှာ အလုပ်လုပ်ဖို့ ကံကြမ္မာက ဖန်တီးလာခဲ့တယ်။ ဝက်ခြံလေးက အလုပ်လုပ်ဖို့ ကောင်းပေမဲ့ ဝက်ခြံဘေးမှာရှိတဲ့ ကျွန်းတောထဲက မမြင်ရတဲ့ ပရလောကရဲ့ အနှောင့်အယှက်တွေကို နန်းဝေ ရောက်လာပြီးတဲ့ နောက်မှာ ဆက်တိုက် ဆိုသလို ကြုံတွေ့လာခဲ့ရတယ်။ ဝက်ခြံထဲက သက္ကဆိုတဲ့ ကောင်လေးနဲ့ တဖြည်းဖြည်း ရင်းနှီးသွားပြီးတဲ့နောက်မှာ သူတို့နှစ်ယောက်ပေါင်းပြီး ဘယ်လို အံ့သြဖို့ကောင်းတဲ့ အဖြစ်အပျက်တွေနဲ့ ဆက်လက်ကြုံတွေ့ရမလဲဆိုတာကို တောသဘာ၀ အငွေ့အသက်လေးတွေနဲ့ ပေါင်းစပ်ပြီး ရေးထားတာမလို့ စာဖတ်သူတို့ သဘောကျစေမှာပါ။