Doulogy Series #1 Maldita at matatag si Trishianna Jelly May Gonzaga. Ulila sa murang edad, pinilit niyang harapin ang buhay at maghanap ng paraan upang makaahon. Sa kanyang paghahanap ng trabaho, nakilala niya si Hyderson Demonvil Montecarlo-lalaking magiging sentro ng gulo at kilig sa kanyang buhay. Hindi niya inaasahan ang hamon ng pagiging katulong sa isang amo na ubod ng strikto at sungit. Ngunit sa halip na matakot, ipinakita ni Trishianna ang kanyang maldita at palaban na ugali. Sa paglipas ng dalawang buwan, natupad niya ang pangarap na makapag-aral muli, salamat sa tulong ni Hyderson. Ngunit hindi naglaon, sumulpot ang intriga-mga bagong kakilala, kapatid ni Hyderson, mga bully sa paaralan, at si Clarity Concepción, na unti-unting nagbubunyag ng nakatagong lihim ng kanyang pamilya. At sa gitna ng lahat, isang laro ng pag-ibig ang magtatakda kung susukuan niya ba ang tunay na nararamdaman o mananatiling matapang.

Doulogy Series #2 Kahit mahal mo ang isang tao, kung may minamahal na siyang iba, hindi na dapat gulohin pa. Ngunit ang damdaming iyon ang unti-unting nagpakabaliw sa kanya-at wala na siyang pakialam kung sino man ang masaktan, kahit sariling kapatid. Si Trisha na laging sinusuportahan at iniintindi ang anino ng kaniyang kapatid. Matagal na niyang pinipilit na hindi madududa, na huwag gawing malisya-ngunit paano kung ang tanging lalaking minahal niya ay unti-unting nahulog sa bisig ng taong pinakamalapit sa kaniya? Si Clarity, sanay sa atensyon at paghanga ng iba. Ngunit sa likod ng kaniyang mga ngiti ay may lihim na pananabik na kailanman ay hindi niya ibinahagi-ang kagustuhang siya lamang ang piliin, kahit kapalit pa ang kapatid na minsang tinawag niyang kaibigan. Sa pagitan ng pagmamahal at pamilya, walang madaling desisyon. Sapagkat kapag puso ang nasugatan, kahit sariling dugo ay kayang talikuran. At sa digmaang ito ng dalawang magkapatid, sino ang mananaig-ang pagmamahal, o ang pagkakapatiran?