Yeh kahani hai Nandini Murthy ki-ek seedhi-saadhi, sapno mein khoyi ladki jo Mumbai ki tezi se bhari duniya mein apni jagah banane ki koshish kar rahi thi. Apni dosto se naye naye concepts seekhne aur naye rishte samajhne ke beech, uski mulakat hoti hai Maddy se-ek aise ladke se jise mohabbat sirf ek khel lagti thi. Maddy, ek notorious playboy, ek shart lagata hai ki woh Nandini ko apni baahon mein le aayega, bas ek aur conquest ki tarah. Uska charm, uska attitude, aur uske doston ka pressure use is khel ko jeetne ke liye majboor karte hain. Dheere-dheere woh Nandini ke kareeb aane lagta hai-uske interests, uske emotions, aur uske innocence ka faayda uthakar. Lekin kya hamesha aisa hota hai jaise Maddy ne socha? Kya pyar sirf ek shart ban ke reh sakta hai, ya phir khel ke dauran dil ke emotions sach mein badal sakte hain? Kya Nandini uske chal ko samajh paayegi, ya phir woh ek aise daag ke saath chhod di jayegi jo kabhi nahi mit sakta? Yeh kahani sirf ek bet ki nahi, balki bharose aur emotions ki bhi hai-jo kabhi ek mazak lagta hai, woh kis tarah kisi ki zindagi badal sakta hai.