Nang muling marinig ni Emmanuel La Vallente ang awit ng sirena, bumalik sa kanyang alaala ang gabing minsan siyang nilamon ng rumaragasang daluyong at ang misteryosong nilalang na nagligtas sa kanyang buhay. Matapos ang isang pambihirang eklipse, muling aahon mula sa karagatan ang sirenong si Alfredo, ngunit sa pagkakataong ito ay taglay na niya ang anyo ng isang tao. Sa kanilang muling pagtatagpo, makikilala pa kaya ni Emmanuel ang nilalang na minsang sumagip sa kanya? Habang unti-unting nahuhulog ang loob ni Alfredo kay Emmanuel, haharapin nila ang isang pag-ibig na itinuturing na bawal sa kanilang panahon. Pipiliin ba nilang ipaglaban ang damdaming iyon, o tuluyan na lamang itong ililibing sa ilalim ng mga alon?