Tinakasan ni Regina ang kasal nila ni Xander nang matuklasan niya ang tunay na pagkatao nito. Nagtungo siya sa Hong Kong upang kuhanin ang tatlong taong gulang na anak ng kanyang stepsister. At muli'y tumatakas siya, sila ng batang si Charlyn. Tinatakasan nila ang tiyuhin ng bata, ang Chinese-Filipino millionaire na si Angelo Chan, na gagawin ang lahat makuha lang si Charlyn. Sa pagtakas nila'y hindi sinasadyang nahingan niya ng tulong si Luke Daniels, isang British-Filipino, at gustuhin man niyang makawala rito'y hindi niya magawa. She was stuck with him. Pinag-isipan niya kung sino ang higit na mapanganib si Angelo Chan o si Luke Daniels.

Ipinakasal si Mariel ng kapatid na si Vincent kay Adrian sa Nevada nang labag sa kanyang kalooban. Sa buong buhay niya'y noon lamang niya nakita ang lalaki. Nang matapos ang kasal ay pinauwi siya ni Adrian sa Pilipinas sa pamilya nito. Nakilala niya si Brad, ang stepbrother ng asawa niya. And she fell in love with him, sa kabila ng masamang impresyon nito sa kanya. A forbidden kind of love.

Pagkatapos ng dalawang disastrous relationship, ipinangako ni Lilia sa sarili na ang pakikipag-boyfriend ang kahuli-hulihang maaari niyang isipin. Hanggang sa makilala niya si Vince Cortez, her ex-fiancé's brother. Tall, mysterious, and good-looking. He abducted her, insulted her, humiliated her. "I wouldn't dare touch you, kahit ikaw na lang ang huling babae sa lupa." Iyon ang sabi nito sa kanya. But why the marriage proposal?