Nilibot ko ang tingin sa paligid at mabilis na rumehistro sa akin ang lugar kung nasaan ako dahil minsan na akong nakapunta rito. Naaninag ko ang pamilyar na pigura na siyang nakaupo sa tabi ng kama na hinihigaan ko. Agad akong natauhan at mabilis na lumayo sa kanya. "A-Anong g-ginagawa ko rito P-Prinsipe Alexus???" hindi ko alam kung kinakabahan ba ako o dahil ito sa sakit ng ulo. Nakasuot sya ng puting polo. Pansin kong bukas ang tatlong butones nito. Sumisilip ang matitipuno nyang dibdib habang malalim ang binibitiwang hininga. Niluwagan nya ang suot na neck tie habang naka titig sa akin ng seryoso. Lumunok ako ng mariin. Bakit uminit bigla sa loob ng kwarto nya? Pansin kong ilang minuto na pala kaming nagtititigan kaya ako na ang unang kumalas. Dumiretso ang aking paningin sa suot kong damit. Nanlaki ang mata ko sa pagkabigla. B-Bakit ganito ang k-kasuotan ko??? Nakasuot ako ng itim na evening dress at lantad na lantad ang aking mga dibdib. Ni hindi manlang nangalahati ang haba ng tela nito kaya malayang nakikita ang mapusyaw kong binti. Napatingin ako sa kanya. Minabuti ko nalang ulit na wag nalang magsalita dahil mas nangibabaw ang takot sa akin. Napaiwas ako ng tingin. A-Anong amoy yon? Tanong ko sa sarili ng may maamoy na mabango at agad ko itong hinanap. His bleeding wrist Tumayo sya at nilapitan ako ngunit hindi ako gumalaw. Inilapit nya sa ilong ko ang kamay nyang kasalukuyang dumudugo. Naramdaman kong humahaba ang mga pangil ko. Mabilis akong nagtatakbo sa palikuran ng kanyang kwarto ng manumbalik ang pagkahilo ko. Sumuka ako at mabilis na nagmumumog. Paglabas ko ay nakita kong naka abang ang prinsipe Alexus sa labas ng banyo. Lalampasan ko na sana siya ng mabilis nya akong itinulak sa pader at agad akong napangiwi sa lakas nito. "Now drink" Date Started: May 4, 2020 Date Finished: August 20, 2020 Highest Rank Attained #3 Romance- June 2, 2021 #1 Vampire- August 14, 2021 #8 Romance- September 8, 2022

Para kay Hezira ay isang kathang-isip lamang ang mga bampira. Hindi siya kailanman naging interesado sa mga ito. Pero lahat ay nagbago matapos ang isang madugong gabi nang paslangin ng mga nilalang na 'yon ang nag-iisa niyang pamilya--- ang kanyang ina. Paghihinagpis at ang nais na makapag higanti ang nag-udyok sa kanya para isugal ang buhay at pumasok sa mundo ng mga naiibang nilalang. Alam niyang hindi siya kailanman nabibilang sa mga bampira ngunit paano niya malalabanan ang pangungulila na pinunan ng mga ito? Paano kung sa kanila niya naramdaman ang pagmamahal ng pamilya na kailanman ay hindi na niya mararamdaman pa? Handa ba niyang talikuran ang tanging pakay at tanggapin ang pagmamahal ng mga ito o tatalikuran niya ang mga ito at susundin kung ano talaga ang pakay niya?