وين تبدا هالمَدِينة .. كل يومْ من رصيفٍ عاري تَحت النجومْ من عناوينِ الجريدة .. في المواني .. و حُمْرة عيون المسافر ضِحكة الصُبح الجَدِيدة .. أخر أوراق التذاكر .. أو بِعد حِبر الختومْ .. وين تبدا هالمَدِينة كل يومْ ؟ ودّي أعرف هالعوَاصمْ .. و أبي ابدا من يدِيها ودّي أنزع مِن أصابِعها الخواتم قبل لاسلم عليها .. ودّي تجمعني بها لحَظة حَميمهْ وين تَجلس هالمدينة ؟ في العمايرْ .. في الدوايرْ في الدكَاكينّ القديمَة .. في صدري أحساسٍ شهي .. لو يدوم .. و أبي أعرف وين تبدا هالعيون .. وتنتهي كل يوم ؟ مدري وش سرّ العواصم .. والمداين .. والعيون .. ومدري وش سرّ الجنون أنتظرتك في محَطات القَدوم .. وفي مواعيد السَفر .. صك شبّاك التذاكِر .. و أنمحى حِبر الخَتُوم وماعرفتك

يا أعذب أشياء العمر .. يا عمري الجاي واللي زلّ ، معك ما سلي قلبي عن هواك ولا نسى بالي عناوينكِ ، أعرف الصباح اللي يجيبك قبل شمسه تجيّ وتطل .. حتى قبل الندى لا يذوب وتطرق النسمة بساتينك ، وأعرف الليال اللي بدونك قساها يفززّ دمعتي وتهلها وعذرها معها ليا طاحت عقب عطفك ولينك ، حبيبي وأنا لا قلت لك عينك تراها المشكله والحل فلا بالك يروح بعيد في لحظة .. ولا تقلب موازينك ، ترى الهوى ما هدّ حيلي ولا حبك تأثر من بعاد وقل .. أبد ما كنك إلا من ورى ضلوعي تِمشّى برجلينك ، ما تشوفني كل ما ضعت بضياء وجهك أرد وأرجع أدل؟ ومنهو بظنك من التيّه ودروبه يرجعني سوى عينك ؟ أنا لي خاطر لرضاك ما همه لو يبيع الكل عشانك ومن فوق الأرض أغلى من رضاك وضحكتينك .. وأنا كثر ما قلت ليت الليالي بي تروف وعلّها تنحل أحبك .. قلبي بلادك وأنت ؟ حضرت سموّه .. يا عسى باكر يجي وتعانق ايديني ايدينك دهّام محمد

بين الحياة والموت، الحق والباطل، الابيض والاسود، الاستقامة والاعوجاج، الخير والشر، القسوة واللين، خيط رفيع اسمه طــه الوريـــاغلي. Book 2 of Merhamet Saga