Warning! +R18 "Hindi na baleng ako ang mahirapan, huwag lang ikaw ang masaktan." -Chanley Lorenzo Sa pagbalik ni Chanley sa buhay ni Clifford, ang hangad niya ay kapatawaran dahil sa pag-iwan niya sa lalaki. Pero ang hindi niya inaasahan, ang kapatawaran na nais niya ay parusa at kalupitan pala sa kamay ng dating asawa. Kalupitan na hindi lang katawan at puso niya ang nagdurusa. Kundi binabalikan pa siya ng bangungot ng nakaraan na naging dahilan ng pag-alis niya. Makakayanan kaya ni Chanley na lagpasan ang lahat ng mga pasakit na binibigay sa kany ni Clifford? O mas pipiliin na lang niyang takasan ang mundong naging malupit sa kanya?

Dahil sa kapusukan, pinikot ni Zcaley si Coheen na napilitang magpakasal sa kanya. Ginawa niya ang lahat para makuha ang puso nito, ngunit sa huli, nabigo siya. Hindi lang siya nito sinasaktan ng pisikal, kundi sinasamahan pa ng matinding pang-iinsulto. Kaya't napagdesisyunan niyang palayain na lang ang lalaki. Sa kanyang pagbabalik sa pagiging malaya, muling lumapit ang una niyang manliligaw-si Vince Gomez, ang lalaking handang gawin ang lahat para makuha siya. Pero sa pagkakataong iyon, bumalik din si Coheen sa kanyang buhay, nagtatangkang bawiin siya. Sa hindi inaasahang pangyayari, nabuntis si Zcaley, ngunit hindi niya alam kung sino ang ama ng kanyang dinadala. Sa harap ng sitwasyong ito, inako ng kanyang matalik na kaibigang si Daxian ang responsibilidad at itinuring na kanya ang bata. Nagpakasal sila, at si Daxian ang tumayong ama ng anak ni Zcaley. Ngunit walang lihim ang hindi nabubunyag. Lumabas ang katotohanan tungkol sa tunay na ama ng bata nang ito'y magkasakit. Dito nagsimulang magkalabasan ang mga masalimuot na lihim nina Coheen, Vince, at Daxian, at unti-unting nasira ang kanilang mga buhay. Nagkagulo, parehong nasaktan, parehong nawasak. Sino nga ba ang tunay na biktima? Ang mga nang-agaw na inabuso, o ang inagaw na siya palang nang-abuso? May pag-asa pa kaya silang magkasundo, o lalo lamang lalalim ang sugat sa kanilang mga puso? Ano ang mga lihim na dapat pa nilang tuklasin? Sa huli, sino nga ba ang tunay na ama sa nag-iisang anak ni Zcaley?