مقتطفات من رواية "الميسم"... المقتطف الأول: ─────── 4:00م گعدت بالگاع الهث من الخوف سندت ضهري على الحايط خليت السجينة بصفي ولميت رجلي لصدري وشفتي ترجف اباوع بالغرفه كلها احاول المح جهازي بكل مكان مالكيته وعيوني غوشت على صورة ابوي فزيت على دفرتة للباب التفتتله واني ألم رجلي لصدري اكثر بيده حزام اسود وعيونه حمر دم هزيت راسي بـ لا واحچي بصوت مسموع جوري : لـلا الله عليك لااا بداعت بناتك..... ــــــــــــــــــــــــــــــــــــــــــــــــــــــــ المقتطف الثاني: ─────── وكتبت ( هاي فضايحكم الكم منا لـشهر اذا ماتطمون عاركم وتتصرفون كلهن ينتشرن وكلكم موجودين بالتصوير والمحادثات كلها بيها ارقامكم لاتلعبون بذيولكم ) (اللهم بلغت اللهم فأشهد) دزيت الرسالة وطلعت من الواتساب وضليت گاعده خلال ساعة وحده شبعت اتصالات منهم وارقام غريبه هواي دخلتلي يتوسلون احذفهن ذاك اليكول عرفتك أنتَ منو واشتكي عليك وذاك الي يگول المبلغ الي تريده انطي الك بس احذفهن احنه معروفين بين العالم طنشت كل اتصال كل رسالة لحد ما طلع اسم أمي على الشاشة رديت وأنا متأكدة أمي ما تتصل بهالوقت أول كلمة طلعت من حلكها جمدت الدم بعروگي امييي!.... ــــــــــــــــــــــــــــــــــــــــــــــــــــــــ المقتطف الثالث: ─