Huwag mong tingnan. Ni tapunan ito ng kahit isang sulyap. Umalis ka na, kalimutang nakita mo ang nobelang 'to. Para sa iyong kapakanan, kaligtasan at ikaliligtas. Huwag mo nang subukang umalis sa kung nasaan ka ngayon. O kahit dumungaw sa bintana. Dahil nag-aantay na sila. Naghahanda. Nagbabantay. Malapit na ang pagdating. Pindutin mo na ang exit button. At pagkatapos, hindi mo na makikita ang lalaking 'yon. Kahit ang puting van, ang itim na pusa, ang pomegranate juice... o ng dugo. Huwag mo na itong pansinin, talikuran mo na, at isiping hindi mo ito nakita buong buhay mo. At payapa ka na sanang makapamuhay sa mundo. Pero may gusto lang sana akong itanong sa 'yo: gusto mo ba talagang malaman kung paano ka mamamatay?

Mayroong anim na elemento ang isang kwento: ang tema, mga karakter, tagpuan, plot, problema at ikaw.