Anim na taon na ang nakakaraan ay may isang bagay na nagawa si Elaine na labis na nakaapekto sa pamilya niya. Dahil doon, pakiramdam niya ay habambuhay na siyang kailangan may patunayan sa mga ito. She was on the right track. Guidance Counselor na siya ngayon sa isang exclusive school for girls. Pero muling magkrus ang landas nila ni Red Caringal - isang lalaking konektado sa nakaraan ni Elaine. Nagkita silang muli dahil anak pala ni Red sa pagkabinata ang isa sa mga estudyanteng suki sa opisina ni Elaine. Nagkalapit ang mga loob nila ni Red. At inaamin ni Elaine na hindi madaling labanan ang atraksyong nararamdaman niya para kay Red. Lalo na at maging si Red ay tila wala namang balak na labanan iyon. One thing led to another. They became lovers. Kaso, marami ang kumukontra. Sana kung against all odds ang drama nila. Dahil paano naman ipaglalaban ni Elaine ang isang lalaking hindi naman in love sa kanya?

"There's no particular reason why I like you, I just do. Huwag mo na akong tanungin kung bakit dahil mahirap talagang intindihin minsan ang puso." Hindi maganda si Justienne. Alam niya iyon dahil araw-araw siyang nananalamin. Kaya nang makilala niya si Kent Lauro, na miyembro ng isang papasikat na boy band, hindi niya inakalang magkakaroon ito ng kakaibang interes sa kanya. Hindi sumagi kahit sa imahinasyon niya na liligawan siya ng isang katulad nito na guwapo, matalino, at sikat. Nababaghan siya, hindi niya magawang maniwala. Paano magkakagusto ang isang katulad nito sa isang katulad niya? Gayunman, hindi niya maiwasang kiligin sa mga panunuyo nito. Madaling nahulog ang loob niya rito. Hindi maipagkakaila na napapasaya siya nito. Ito na yata ang hinihintay niyang Prince Charming. Ngunit nalaman niyang ginagamit lang siya nito upang mapalapit sa dating nobya nito na ubod ng ganda. Paano pa niya ipagkakatiwala sa iba ang puso niya?

Name: Nikolas Lance Afinidad Professsion: Businessman, President of Haven Developments Whereabouts: Santorini, New York City and Manila Romantic Note: Agape Mou Citizenship: Greek

[First love never dies...] For once, gusto nang gumawa ni Pepper ng isang bagay na hindi na kakailanganin ng permiso ng kanyang mga magulang. Kaya on impulse, nagdesisyon siyang i-boycott ang kanyang sariling engagement party. Pero minalas siya, dahil sa dinami-rami ng sasakyang puwede niyang pagtaguan, sa sasakyan pa siya ni Calyx napasakay. Ito ang isa sa mga taong ayaw niyang makasama. Pepper hated Calyx to the core. Pero kailangan niyang pagtiisan ito. Ang usapan nila ay ibababa siya nito sa isang safe na lugar, pero sa panggigilalas niya ay isinama siya ni Calyx sa pupuntahan nito. Ang akala ni Pepper ay hindi niya matatagalan ang presensiya ng lalaki, pero nakilala niya nang husto ang kakaibang Calyx nang sumama siya rito. She did not expect she would fall in love with him. Again...

Love Team by Andie Hizon

[When frenemies fall in love with each other...] Aso't pusa ang turingan nina Ginger at Yoej sa isa't isa. Hindi lumilipas ang araw na hindi sila nag-aasaran nito. Akala ni Ginger ay hindi na mababago ang batian nila sa isa't isa hanggang sa humingi ng tulong sa kanya si Yoej. Gusto nitong magpatulong para makuha ang atensiyon ng best friend niyang si Sugar. Napagdesisyunan niyang tulungan ito ngunit hindi ang tulong na inaasahan nito. Sinabi ni Ginger kay Yoej ang lahat ng kabaligtaran ng gusto ni Sugar. Inaasahan na niyang magagalit ito sa kanya at madaragdagan uli ang pang-aasar nito sa kanya pero nag-iba ang pakikitungo nito sa kanya. Naging mabait ito sa kanya. Hindi na siya madalas na asarin nito at binubusog nito ang puso niya ng kilig. Yoej was all handsome and cool. Hindi niya napigilan ang kanyang sariling mahulog ang loob dito. Pero hindi pala siya dapat nagpadala na lang basta sa mapang-akit na tingin nito, magandang katawan, at masarap na mga labi. Dahil lahat pala ng ginawa nito para sa kanya ay pulos kalokohan lang. He was on her for revenge. Paano na ngayon ang puso niyang tumitibok para dito?

"I wanna marry her and put her up on a pedestal if only she'd let me." Maraming pagkakamali sa buhay si Kristina. Isa na roon ang wala sa panahong pagkakaroon niya ng anak na walang nagisnang ama. Hindi siya naghahanap ng katuwang sa buhay. Kontento na siya sa pagmamahal ng kanyang anak. Ngunit sa isang di-inaasahang pagkakataon ay nagkaroon ng malaking bahagi sa buhay niya si Urbino-ang dating nobyo ng kanyang kapatid at matagal na niyang lihim na minamahal. Para itong hulog ng langit na naging sagot sa kanyang mga dasal. Napakalaki ng puso nito para tanggapin ang lahat-lahat sa kanya, pati na ang ginawang pag-iwan kay Urbino ng kapatid niya sa araw ng kasal ng mga ito. Ipinakita ng lalaki ang labis na pagmamahal kay Kristina at inalok pa siya ng kasal. Dahil doon ay nagsimula siyang humabi ng mga pangarap-pangarap na agad ding gumuho nang sa araw ng kanilang kasal ay hindi dumating ang lalaki...

[When your past came back to haunt you...] Wala nang mahihiling pa si Lemon-masaya na siya sa lahat ng nangyayari sa buhay niya. Hanggang sa ipakilala sa kanya ng kaibigan niyang si Pepper ang lalaking pakakasalan nito: si Joey Montinola. Si Joey ang lalaking ayaw na niyang makita. Ngunit hindi na siya makakaiwas dahil siya ang napili ni Pepper na mag-organize ng engagement party nito. Kahit hindi niya gusto ang ideya ng pagpapakasal ng dalawa, ginawa pa rin niya ang kanyang trabaho. She thought everything was going to be perfect, but something went wrong. Tumakas si Pepper; and worse, sumama ito sa kuya niya. Sinabi ni Joey sa kanya na kailangan niyang malusutan ang problemang iyon. At hindi niya inasahan ang sumunod na ginawa nito. Joey suddenly kissed her. The moment Lemon felt his lips on hers, she knew he had captured her heart. Again.

(published under PHR) May mga naghahanap po ng story na ito sa akin. Ilang taon na rin po mula nang ma-published ito kaya siguro hindi na makita sa stores. Kaya ito ang naisip kong unang i-post rito. Sana po ay magustuhan nyo. Enjoy reading! :) "Truth or dare?" Nakangiting tanong ni Cassandra kay Jethro nang tumapat sa dating boyfriend ang nguso ng boteng ipinaikot niya. "Dare." Muli siyang ngumiti. "Sige, inuutusan kita. Mahalin mo 'ko uli." Nang matahimik ang mga kasamahan ay sinikap ni Cassandra na tumawa. "Pwede bang 'truth' na lang? Wala na kasi akong ibang maisip na ipagawa sa 'yo... maliban sa ang mahalin ako." "Fine," parang napipilitan na lang na sagot ni Jethro. "Truth." "Okay. If there's one thing that you want to tell me, what will it be?" Tinitigan siya ni Jethro nang deretso sa mga mata. "Bakit bumalik ka pa?" Natigilan si Cassandra. Paubos na ang tatlumpung araw na palugit sa kanya para makasama si Jethro. Pero mababawi niya pa kaya ito bago tuluyang angkinin ng iba kung sagad hanggang langit ang galit nito sa kanya?