Si Ysa Magnayon ay isang simpleng dalagang namumuhay nang payapa sa probinsya, kasama ang kanyang pamilya, ang nag-iisa niyang kuya, at ang matalik niyang kaibigang si Jhen na laging kasama niya saan man siya magpunta. Bilang kaisa-isang anak na babae, mas naging mahigpit ang kanyang mga magulang sa kanya, hindi dahil sa paghihigpit na walang dahilan, kundi dahil sa matinding pag-aalala at pagmamahal. Lumaki si Ysa na may limitasyon sa kanyang bawat galaw ngunit hindi hadlang ito upang lumaki siyang hindi kuntento sa buhay. Wala siyang hinahanap na sobra. Tahimik ang lahat. Payapa sa puder ng kanyang magulang. Hanggang sa dumating ang gabing iyon. Isang malamig at kagimbal gimbal na pangyayari. Na naging simula ng unti-unting nagpabago sa kanyang tahimik na buhay.

Marahil ang iba sa atin ay nakahanap na ng taong akala nila ay makakasama nila sa habang buhay. Ang pag-ibig na nagbibigay galak sa ating puso. Ang nagpapanatili sa ating magpatuloy kasama ang taong importante sa atin. Ang pag-ibig na nagbibigay buhay. Ang pag-ibig na kahit ano mang pagsubok ang dumating ay mananatili pa rin. Kahit anong harapin ay mananatiling matatag at wagas. Ngunit paano kung ang lahat ay maging "akala" na lamang? Darating sa puntong masasabi mo na hindi lahat ng pag-ibig ay madadala ng galak sa inyong puso, ngunit ay iba ay magdadala ng sakit. Ang sakit na maaring maging leksyon sa iyong buhay upang maging matatag. Upang bumangon muli sa dumaang unos sa iyong buhay. Ang bagyong sumira ng pag-asa sa sinasabing pag-ibig. Kung ikaw ba ang makakaranas nito, ano ang iyong gagawin? Paano mo malalampasan ang buhay na nasanay kang buohin kasama siya? Kaya mo pa bang magpatuloy? Paano kung isang araw ay may muling kumatok sa iyong puso. Dala ang pag-ibig na noon ay inaasam-asam mo ngunit sa panahong ito ay natatakot ka nang sumubok at buksan muli ang iyong puso, dahil iniisip mong mauulit muli ang lahat. Mananatili ka bang dalisay o ipaparanas mo rin sa kanya ang sakit na dinanas mo sa kamay ng iyong nakaraan? Magtitiwala ka ba sa hindi inaasahang pag-ibig? Ang pag-ibig na magdadala sayo sa hangganan. Ang pag-ibig na maaring maging tulay para mabuo kang muli? Ako si Ma. Alivyahna Soleen Celistine, at ito ang aking kwento.